Por acordo da Comisión de Goberno do Concello de Paradela con data do 10 de maio de 2001, anúnciase concurso, procedemento aberto, tramitación urxente, para a contratación das obras de acondicionamento, reparación e mellora de camiños rurais de Cerxedo, Zouro, A Seara e Carballedo, nº 64/01, correspondente ó POS 2001.
1. Entidade adxudicadora.
a) Organismo: Comisión de Goberno do Concello de Paradela.
b) Dependencia que tramita o expediente: Secretaría.
c) Número de expediente: 13/5/01.
2. Obxecto do contrato.
a) Descrición do obxecto: acondicionamento, reparación e mellora de camiños rurais de Cerxedo, Zouro, A Seara e Carballedo, de acordo co proxecto técnico redactado polo enxeñeiro técnico de obras públicas, Manuel Vázquez González, colexiado nº 5475.
b) Lugar de execución: (Paradela).
c) Prazo de execución: tres meses.
3. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma: concurso.
4. Orzamento base da licitación: doce millóns novecentas sesenta mil pesetas (12.960.000), IVE incluído.
5. Garantías.
-Provisional: 2% do orzamento de contrata.
-Definitiva: 4% do importe de adxudicación.
6. Obtención de información e documentación.
a) Entidade: Concello de Paradela.
b) Domicilio: avda. Xeneralísimo, s/n.
c) Localidade: Paradela-CP 27611.
d) Teléfono: 982 54 11 01-982 54 11 96.
e) Fax: 982 54 12 32-982 54 12 07.
f) Data límite de obtención de información e documentación: o décimo terceiro día natural, contado a partir do seguinte ó da última publicación deste edicto no BOP e DOG.
7. Requisitos específicos do contratista.
Clasificación: non se esixe.
8. Presentación de proposicións.
a) Data límite: o décimo terceiro día natural, contado a partir do seguinte ó da última publicación deste edicto no BOP e DOG.
b) Documentación que hai que presentar: a sinalada na cláusula novena do prego de cláusulas administrativas particulares que rexe a contratación, tendo que ser utilizado como modelo de proposición o que figura como anexo no dito prego.
c) Lugar de presentación: no rexistro xeral do Concello de Paradela, de 9 a 14.30 horas.
d) Vinculación da oferta: ata a sinatura do contrato.
9. Apertura de proposicións: no salón de plenos da Casa do Concello de Paradela ás 12 horas do seguinte día hábil a aquel en que remate o prazo de presentación de proposicións (agás sábados).
10. Gastos de anuncios: serán sempre por conta do adxudicatario.
Paradela, 11 de maio de 2001.
José Manuel Mato Díaz
Alcalde-presidente