Visto o expediente incoado nesta delegación provincial por petición de Unión Fenosa Distribución, S.A. con domicilio para os efectos de notificación na avda. de Arteixo 171, A Coruña, que solicita aprobación do proxecto, autorización administrativa e declaración da utilidade pública da instalación eléctrica de referencia.

Cumpridos os trámites sinalados no artigo 53 da Lei 54/1997, do 27 de novembro, do sector eléctrico, e os ordenados nos capítulos III do Decreto 2617/1966, do 20 de outubro, sobre autorización de instalacións eléctricas, e nos capítulos III e IV do regulamento de aplicación da Lei 40/1966, do 18 de marzo, sobre expropiación forzosa e sancións en materia de instalacións eléctricas, aprobado polo Decreto 2619/1966, do 20 de outubro, de aplicación ó presente expediente segundo o establecido pola disposición transitoria primeira da indicada Lei 54/1997, en relación coa disposición transitoria décim primeira do Real decreto 1955/2000, do 1 de decembro.

Visto que durante o período no que se someteu o expediente ó trámite de información pública se presentou a seguinte alegación:

1ª Gonzalo Trashorras Ferreiro, que alega que a subministración eléctrica a Neda e Boelle se podería

facer desde Adai ou Arxemil, levando o tendido eléctrico por vía pública, sen necesidade de ocupar ningún predio.

Considerando que tales alegacións, vista a contestación a elas por parte da empresa promotora e o resto da documentación que consta no expediente, non impiden continuar coa tramitación deste pola seguinte razón:

1º Porque o alegante en ningun momento fai unha proposta específica de traza alternativa na que se puidese apreciar con exactitude a lonxitude e a zona concreta de afección para verificar se se cumprían os requisitos establecidos no artigo 26 do Decreto 2619/1966, proposta que en ningún caso podería supoñer unha variación da traza superior en lonxitude ou altura o dez por cento da parte da liña afectada pola variación que segundo o proxecto transcorre sobre as parcelas propiedade de Gonzalo Trashorras Ferreiro.

2º Porque a liña que nos ocupa se realizou con base no establecido no artigo 4 do Decreto 3158/1968, do 28 de novembro, que di que as liñas eléctricas se estudiarán seguido a traza que considere máis conveniente o autor do proxecto no seu intento de lograr unha solución óptima para o conxunto da instalación.

3º Por último, segundo manifesta a empresa Unión Fenosa, a realización da solución proposta polo alegante non sería tecnicamente posible sen afectar a terceiros.

Vista sobre o terreo a traza da liña eléctrica proxectada, obsérvase que na liña, ó seu paso polos predios relacionados na información pública, non se dá ningunha das prohibicións ou limitacións sobre os predios en expropiación, ós que se refiren respectivamente os artigos 25 e 26 do Decreto 2619/1966, en concordancia co artigo 57 da Lei 54/1997 antes citada.

Sendo competente este organismo, con base no Estatuto de autonomía de Galicia, no Real decreto 2563/1982, do 24 de xullo, sobre traspaso de funcións e servicios da Administración do Estado á Comunidade Autónoma galega en materia de industria, enerxía e minas, e no exercicio de competencias atribuídas polos decretos 2617/1966 e 2619/1966,

RESOLVO:

Primeiro.-Autorizarlle a Unión Fenosa Distribución, S.A. o establecemento da dita instalación eléctrica, coas seguintes características principais:

1. Liña de media tensión aérea con orixe na L.M.T. Adai-Vilaceleiro e remate no C.T. proxectada de Neda de 869 m de lonxitude a 20 kV sobre apoios de formigón en conductor LA-56.

2. Centro de transformación de intemperie de Neda de 50 kVA de potencia e relación de transformación 20.000/380-220 V.

3. Rede de baixa tensión de Neda de 1.010 m de lonxitude a 380/220 V sobre apoios de formigón en conductor R.Z.

Segundo.-Declara-la utilidade pública da instalación eléctrica autorizada, coas consecuencias establecidas no artigo 54 da Lei 54/1997, do 27 de novembro, do sistema eléctrico, de necesidade de ocupación dos bens ou de adquisición dos dereitos afectados e de urxente ocupación para os efectos do artigo 52 da Lei de expropiación forzosa. Igualmente, levará implícita a autorización para o establecemento ou paso da instalación eléctrica sobre terreos de dominio, uso ou servicio público, ou patrimoniais do Estado, ou das comunidades autónomas, ou de uso público, propios ou comunais da provincia ou municipio, obras e servicios destes e zonas de servidume pública.

Terceiro.-Prestar aprobación ó seu proxecto de execución e anexos, unha vez cumpridos os trámites que se sinalan no capítulo IV do citado Decreto 2617/1966, e visto o contido do informe técnico de data do 30 de xaneiro de 2001.

Cuarto.-En cumprimento do disposto nos artigos 52 da Lei de expropiación forzosa, do 16 de decembro de 1954, e 31 do Regulamento da Lei 10/1966, do 18 de marzo, acordo que o representante da Administración dea comezo, en data e hora que a cada interesado se lle notificará individualmente, ó levamentamento das actas previas á ocupación dos predios contidos nas relacións publicadas no diario El Progreso de data do 15 de febreiro de 2001, Diario Oficial de Galicia de data 16 de marzo de 2001 e no BOP de Lugo do 1 marzo de 2001, e expostas no taboleiro oficial desta delegación provincial e no taboleiro de edictos do Concello do Corgo. Ata o momento do levantamento das actas poderanse formula-las alegacións, por escrito, que se consideren pertinentes para os efectos de rectificar posibles erros na relación de bens afectados, ante esta delegación provincial.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, e así dirixirlle ó Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

Esta resolución non é definitiva na vía administrativa, e contra ela poderase interpoñer recurso de alzada perante o conselleiro de Industria e Comercio no prazo dun mes, contado desde o día seguinte ó da súa notificación/publicación. Tamén se poderá interpoñer calquera outro recurso que se considere oportuno para a defensa dos dereitos e intereses por parte dos interesados.

Lugo, 24 de abril de 2001.

Jesús Bendaña Suárez

Delegado provincial de Lugo