Examinada a solicitude formulada pola Escola Familiar Agraria Fonteboa de Coristanco (A Coruña), que solicita a transformación dunha unidade de formación profesional de segundo grao da rama agraria, nun ciclo formativo de grao medio de explotacións agrarias extensivas.

Vistos o Real decreto 1004/1991, do 14 de xuño (BOE do 26 de xuño), Real decreto 1487/1994, do 1 de xullo (BOE do 28 de xullo), Real decreto 777/1998, do 30 de abril (BOE do 8 de maio), Orde do 7 de xaneiro de 1997 (DOG do 21 de xaneiro), pola que se regula a adecuación das autorizacións dos centros privados de formación profesional de primeiro grao autorizados ou con clasificación definitiva e mailas dos centros de formación profesional de segundo grao homologados para implanta-los ciclos formativos de grao medio.

Considerando que a mencionada solicitude se axusta á lexislación vixente.

Esta dirección xeral, en virtude do establecido na disposición derradeira primeira da referida Orde do 7 de xaneiro de 1997,

RESOLVE:

Autoriza-la transformación dunha unidade de FP2 da rama agraria nun ciclo formativo de grao medio de explotacións agrarias extensivas á Escola Familiar Agraria Fonteboa de Coristanco, segundo os datos que se relacionan no anexo.

Contra esta resolución poderá interpoñer recurso de alzada perante o conselleiro de Educación e Ordenación Universitaria, no prazo dun mes a partir do día seguinte ó da súa publicación.

Santiago de Compostela, 9 de maio de 2001.

Severino Somoza Gómez

Director xeral de Centros e Inspección Educativa

ANEXO

Provincia: A Coruña.

Localidade: Coristanco.

Centro: Escola Familiar Agraria Fonteboa.

Código do centro: 15021974.-1 unidade de FP2 da rama agraria.

Transfórmase na:-2ª unidade do ciclo formativo de grao medio de explotacións agrarias extensivas da familia profesional de actividades agrarias.

Composición resultante:

-1 ciclo formativo de grao medio de explotacións agrarias extensivas (2 unidades, 30 alumnos/unidade).-1 unidade de FP2 da rama agraria.