Con sustentación na proposta contida na acta da sesión que tivo lugar o 21 de maio de 2001 pola comisión seleccionadora para a adxudicación de bolsas de estadías de persoal dos departamentos de estudios galegos de universidades de fóra da Comunidade Autónoma de Galicia e a súa colaboración en proxectos de investigación que se están a desenvolver no Centro Ramón Piñeiro para a Investigación en Humanidades, segundo convocatoria anunciada pola Consellería de Educación e Ordenación Universitaria no DOG nº 61, do 27 de marzo de 2001, e de conformidade co establecido na base terceira da referida orde de convocatoria, esta dirección xeral
RESOLVE:
Primeiro.-Conceder doce bolsas de estadías de persoal dos departamentos de estudios galegos de universidades de fóra da Comunidade Autónoma de Galicia e a súa colaboración en proxectos de investigación que se están a desenvolver no Centro Ramón Piñeiro para a Investigación en Humanidades, segundo se detallan no anexo a esta resolución.
Segundo.-De acordo co establecido na base segunda da convocatoria, a asignación mensual das bolsas ás que se refire o punto anterior será a recollida no anexo que se xunta, coa retención fiscal que corresponda.
Terceira.-Contra esta resolución poderase interpoñer recurso potestativo de reposición perante o conselleiro de Educación e Ordenación Universitaria no prazo dun mes, contados a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), ou ben directamente o recurso contencioso-administrativo, previsto na Lei 29/1998, do 13 de xullo, reguladora da xurisdicción contencioso-administrativa, perante o Tribunal Superior de Xustiza de Galicia no prazo de dous meses contados a partir do día seguinte ó da notificación desta resolución. En todo caso, non se poderá interpoñer recurso contencioso-administrativo ata que sexa resolto expresamente ou se produza a desestimación presunta do recurso de reposición.
Santiago de Compostela, 30 de maio de 2001.
Celso Currás Fernández
Conselleiro de Educación e Ordenación
Universitaria
Director Xeral de Política Lingüística
ANEXO
Nome e apelidos Procedencia Estadía Importe/mes
Pontes, Antonio Luciano Brasil 12-7 a 31-12 120.000 Abreu, Luzia Mª Brasil 1-6 a 31-12 120.000 De Souza Torres, Cristiano Brasil 1-6 a 30-11 120.000 Tarela González, Sofía Barcelona 4-6 a 4-12 85.000 Brito de Freitas, Consuelo Madrid 1-6 a 31-12 85.000 Moris Campos, Judith Cuba 1-7 a 31-12 120.000 Ewen, Michaela Trier 1-9 a 31-12 100.000 Bánki, Eva Hungría 1-7 a 31-8 120.000 Bernardi, Andrea Perugia 1-6 a 30-9 100.000 Pais de Jesús Ramón, Elisabete Lisboa 1-6 a 31-12 100.000 Suárez González, Jesús A. Chile 15-8 a 31-12 120.000 Farías, Ruy Gonzalo Arxentina 1-10 a 31-12 120.000