Por Orde do 5 de febreiro de 2001 (DOG do 15 de febreiro) convocáronse axudas para a realización de actividades de alfabetización e formación de adultos, organizadas por las corporacións locais e institucións privadas, sen ánimo de lucro e legalmente constituídas, agás centros docentes, pertencentes á Comunidade Autónoma.

Vista a proposta da comisión de selección prevista no punto oitavo da devandita orde,

RESOLVO:

Primeiro.-Conceder, con cargo ós conceptos orzamentarios 07.04.322H.460.0, 07.04.322H.480.0, 07.04.322S.460.0 e 07.04.322S.480.0 da Dirección Xeral de Ordenación Educativa e Formación Profesional, as axudas que se citan no anexo I.

Segundo.-Denegar ou excluír, polas causas que se indican, as solicitudes que se citan nos puntos 2 e 3 do anexo I.

Terceiro.-De conformidade co punto décimo primeiro da Orde do 5 de febreiro de 2001, as axudas serán aboadas do seguinte xeito:

-Ata o 80% da contía subvencionada, para aquelas axudas que non superen o importe de 1.000.000 de pesetas e un 10% aquelas que superen o 1.000.000 de pesetas, logo da aceptación da devandita subvención e certificación por parte da entidade de ter comezado a/as actividade/s.

-A cantidade restante librarase unha vez finalizada a actividade no momento da súa completa xustificación e entrega da súa memoria (en todo caso, antes do 15 de outubro, xuntando certificación de percibir ou non outras axudas e subvencións para a finalidade subvencionada para o efecto do disposto no artigo 6º da Lei 8/1999, do 30 de decembro, de medidas fiscais e orzamentarias e de función pública e actuación administrativa.

As axudas concedidas irán destinadas a sufraga-los gastos de persoal ata un mínimo de 75% do importe total da axuda concedida e os gastos de funcionamento que non superarán o 25% do importe total da subvención dos que o 20% tería a finalidade de gastos de material didáctico (textos e materiais dun só uso e materiais funxibles) e o 5% para outros gastos.

Cuarto.-Nas actividades cofinanciadas pola Xunta de Galicia, Consellería de Educación e Ordenación Universitaria, e o Fondo Social Europeo, as convocatorias publicas, publicidade e propaganda destas, así como os lugares nos que se realizan as referidas accións, deberá figura-lo logotipo da Unión Europea coa lenda: «Actividade cofinanciada polo Fondo Social Europeo».

Quinto.-Contra esta resolución os interesados poderán interpoñer recurso potestativo de reposición perante o conselleiro de Educación e Ordenación Universitaria no prazo dun mes, contado a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999, de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.

Santiago de Compostela, 10 de maio de 2001.

Celso Currás Fernández

Conselleiro de Educación e Ordenación

Universitaria

ANEXO I

1. Concesión de axudas ás seguintes administracións públicas e entidades sociais sen ánimo de lucro:

Administracións públicas con cargo ó concepto orzamentario 07.04.322H.460.0:

Entidades sociais sen ánimo de lucro con cargo ó concepto orzamentario 07.04.322H.480.0:

Administracións públicas con cargo ó concepto orzamentario 07.04.322S.460.0 (Axudas cofinanciadas polo Fondo Social Europeo):

Entidades sociais sen ánimo de lucro con cargo ó concepto orzamentario 07.04.322S.480.0 (Axuda cofinanciada polo Fondo Social Europeo):

2. Desestima-las axudas por se-la súa valoración insuficiente ou non considerarse proxectos prioritarios:

-CONCELLO DE CORISTANCO.-CONCELLO DA POBRA DO CARAMIÑAL.

3. Desestima-las axudas ás solicitudes que tiveron entrada fóra de prazo:

Entidades sociais sen ánimo de lucro:

-ASOCIACIÓN CORUÑESA DE PROMOCIÓN DEL SORDO.-CRUZ ROJA ESPAÑOLA DE A CORUÑA.-ASOCIACIÓN MULLERES RURAIS RÍO D'ANEIRO DE FERROL.-ASOCIACIÓN CULTURAL AFONSO EANES DO COTÓN DE NEGREIRA.-CÁRITAS DIOCESANA - CENTRO VAGALUME DE SANTIAGO.-COGAMI DE SANTIAGO.-INSTITUTO DES. COMUNITARIO DE GALICIA DE SANTIAGO.-ASOCIACIÓN DE CULTURAL AMIGOS DO MOSTEIRO DE OIA.-COLEXIO ANDERSEN DE VIGO.-ASOCIACIÓN VECIÑOS DO CALVARIO DE VIGO.

Administracións públicas:

-CONCELLO DE PONTEDEUME.-CONCELLO DE SANTIAGO.-CONCELLO DE FOZ.-CONCELLO DE PONTEAREAS.-CONCELLO DE TOMIÑO.-CONCELLO DE ALLARIZ.