No Xulgado do Contencioso-Administrativo número tres da Coruña tramítase o recurso nº 77/2001 (procedemento abreviado) interposto por Josefa Pérez Gandoy. A recorrente, telefonista con destino definitivo no Complexo Hospitalario Universitario de Santiago de Compostela, pretende a súa inclusión na lista de aspirantes para vinculacións temporais da área da Coruña (categoría de persoal de servicios xerais-promoción interna).

O que se notifica para xeral coñecemento de tódalas persoas interesadas no procedemento, que son emprazadas para que poidan comparecer no xulgado como demandados no prazo de nove días, de conformidade co previsto no artigo 49 da Lei 29/1998, do 13 de xullo, regulamentadora da xurisdicción contencioso-administrativa.

Santiago de Compostela, 16 de maio de 2001.

Valeriano Martínez García

Director xeral da División de Recursos Humanos