Visto o expediente da revisión salarial para o ano 2000 do sector de industrias de carpintería e ebanistería da provincia da Coruña, que tivo entrada nesta delegación provincial o día 25-4-2001, subscrito en representación da parte económica pola Asociación Provincial de Empresarios de Carpintería e Ebanistería, e, da parte social, por UGT e CC.OO., o día 24-1-2001, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 27 de abril de 2001.
María Silva Costoya
Delegada provincial da Coruña
Convenio colectivo provincial para as industrias
de carpintería e ebanistería da Coruña
Asistentes:
Parte empresarial:
Cándido Hermida Campos.
Ramón Caramés Seoane.
Jesús Rey Barral.
Parte social:
Jesús Mª Calvo Romero (UGT).
Celestino Pérez Vázquez (UGT).
Argimiro González Pérez (CC.OO.).
Santiago Huertas Pazurama (CC.OO.).
Na Coruña, ás dezasete horas do día vintecatro de xaneiro de dous mil un, nos locais da asociación
de empresarios, reúnese a comisión paritaria do convenio colectivo provincial para as industrias de carpintería e ebanistería da Coruña.
O único punto que se trata é a aplicación do punto 4º do acordo da comisión negociadora do convenio estatal da madeira, no que di que, partindo do IPC publicado polo INE o 31 de decembro de 2000, no que superase o IPC previsto+0,2% que se adicionaría ó incremento que se pactase para o ano 2001.
Acórdase elabora-las mencionadas táboas co 1,8% de aumento sobre as anteriores, por ser esa porcentaxe o resultado da aplicación do dito artigo.
Despois de confeccionadas as normas, acórdase envialo ó BOP para a súa publicación.
E non habendo máis asuntos que tratar, deuse por rematada a reunión, ás dezasete trinta horas da data arriba indicada.
Convenio colectivo provincial para as industrias
de carpintería e ebanistería
Revisión da diferencia do IPC previsto
do 2000 ó IPC real do 2000
Día Mes
-Persoal obreiro Encargado 4.330 131.688 Oficial primeira 4.249 129.242 Oficial segunda 4.166 126.698 Axudante 4.079 124.088 Especialista 3.997 121.577 Peón 3.921 119.273
-Técnicos E. proxectista 134.247 Perito 131.342 ATS 131.342 Delineante 126.366 Auxiliar analista 123.711
Persoal subalterno Ordenanza 118.074 Garda e vixilante 118.074
-Persoal administrativo Xefe de primeira 134.247 Xefe de segunda 131.342 Oficial de primeira 131.342 Oficial de segunda 126.366 Auxiliar 123.711
Complemento de asistencia 210
Complemento de transporte 486