Outorgada a declaración de utilidade pública que leva implícita a urxente ocupación dos bens e dereitos afectados polas instalacións da L.A.T. 220 kV desde a futura subestación P.E. Ameixeiras á subestación P.E. Serra do Cando, sita nos termos municipais de Lalín, Forcarei (Pontevedra) e Beariz (Ourense), por resolución da Dirección Xeral de Industria do 5 de abril de 2001, a favor da entidade beneficiaria Gamesa Energía, S.A., con enderezo para
efectos de notificacións na avenida do Cruceiro da Coruña, 201A, 15705 Santiago de Compostela (A Coruña).
Esta delegación acorda sinala-los días que máis abaixo se indican para o levantamento das actas previas á ocupación nos concellos de Lalín e Forcarei, que se fixan como punto de reunión previo, sen prexuízo de desprazarse posteriormente ó terreo, de conformidade cos artigos 52 da Lei de expropiación forzosa, do 16 de decembro de 1954 e 56 do seu Regulamento do 26 de abril de 1957, para o levantamento das actas, nas que se describirán os bens ou dereitos expropiables que son obxecto de expropiación forzosa, servidumes permanentes de paso e ocupación temporal por obras, contidos na relación de predios que se xunta e se expón con esta resolución no taboleiro de edictos dos concellos de Lalín e Forcarei, deducida da que se someteu a información pública no Diario Oficial de Galicia, do 17 de maio de 2000; actos ós que deberán concorre-los propietarios propostos dos predios afectados, ós que se lles practicará notificación individual, sinalándoselle-la data e hora do levantamento efectivo
das actas.
PrediosDataHora
Nº 1 a 1413 de xuño de 200110.30
Nº 5 a 1714 de xuño de 200110.30
Nº 18 a 3219 de xuño de 200110.30
Nº 33 a 4620 de xuño de 200110.30
Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así, dirixir ó Ministerio Fiscal as dilixencias que se produzan destes, de conformidade co artigo 5 da citada lei de expropiación forzosa.
Vigo, 9 de maio de 2001.
Carmen Bianchi Valcarce
Delegada provincial de Pontevedra