De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan que, con esta data, resolvín publica-la resolución dos procedementos sancionadores por infracción da Lei 4/1989, do 27 de marzo, de conservación dos espacios naturais e da flora e fauna silvestres, (BOE nº 74, do 28 de marzo), por non ser posible a súa notificación.
O importe da sanción farase efectivo en calquera entidade bancaria, na conta de recadación de multas e sancións da Xunta de Galicia nº 311.000.166/2 da Caixa de Aforros de Galicia na Coruña, OP, no prazo de quince días hábiles, contados a partir do día seguinte ó de publicación desta notificación. Para efectualo deberán emprega-los impresos normalizados, que lles seran facilitados nesta delegación provincial, sita no edificio administrativo de servicios múltiples-Monelos-A Coruña. Transcorrido o citado prazo procederase ó cobramento pola vía administrativa de constrinximento.
Non obstante o anterior, e de conformidade co previsto no artigo 114 e concordantes da Lei 30/1992, de réxime xurídico das administracións públicas e do procedemento administrativo común, contra esta resolución, que non esgota a vía administrativa, cabe formular recurso de alzada perante o conselleiro de Medio Ambiente, no prazo dun mes, contado igualmente a partir do día seguinte ó de publicación desta notificación.
Transcorrido o prazo de interposición do recurso sen que este se presente, esta resolución será firme para tódolos efectos regulamentarios.
A Coruña, 16 de abril de 2001.
Higinio José Sánchez-Rodilla Fuentes
Delegado provincial da Coruña
ANEXO
Expediente: 2000/0026.
Denunciado: López Rodríguez, Modesto.
Último domicilio coñecido: rúa dos Irmandiños, edif. Sta. Uxía, 1-7º dta. 15960 Ribeira (A Coruña).
Feitos denunciados: circular co seu vehículo Seat Ibiza matrícula C-1925-AX por zona prohibida dentro do parque natural de Corrubedo.
Tipificación: artigo 38.13º da Lei 4/1989 en relación co artigo 3.5º 3) do Decreto 139/1992, do 5 de xuño, polo que se declara parque natural o complexo dunar de Corrubedo.
Cualificación: leve.
Sanción proposta: 15.000 pesetas.