De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan que, con esta data, resolvín publica-lo acordo de iniciación do procedemento sancionador por infracción administrativa da Lei 22/1988, do 28 de xullo, de costas (BOE nº 181, do 29 de xullo) e do seu Regulamento de data 1 de decembro de 1989 (BOE nº 297, do 12 de decembro), modificado polo R.D. 1112/1992, do 18 de setembro (BOE nº 240, do 6 de outubro), por non ser posible a súa notificación.
Noméase instructora do procedemento a Ana Mª Díaz López e secretaria a Mª Jesús Budiño Rodríguez, funcionarias desta delegación, que poden ser recusadas en calquera momento da tramitación do procedemento, se concorre algunha das circunstancias previstas no artigo 29 da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 4/1999).
A resolución será acordada polo delegado provincial de Medio Ambiente da Coruña, segundo o disposto no Decreto 5/1987, do 14 de xaneiro, e no artigo 4.2º do Decreto 151/1995, do 15 de maio, que establecen a súa competencia para multas de ata 15.000.000 de pesetas.
Os interesados disporán dun prazo de quince días, contados a partir do seguinte ó de publicación desta notificación, para poderen examina-lo expediente na Delegación Provincial desta consellería na Coruña, sita no edificio administrativo de servicios múltiples-Monelos, e para achegaren, por escrito, cantas alegacións, documentos, informacións ou propostas de probas, coiden convenientes en defensa dos seus dereitos, así como para a recusación da persoa designada como instructora se concorre algunha das circunstancias previstas no artigo 28 da Lei 30/1992, do 26 de novembro.
Conforme o establecido no artigo 13.2º do R.D. 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, de non se efectuaren alegacións no prazo anterior, este acordo de iniciación poder ser considerado proposta de resolución, determinándose, para estes efectos, o importe da sanción.
Ó abeiro do disposto no artigo 8.2º do R.D. 1398/1993, do 4 de agosto, cando a sanción teña carácter pecuniario, o pagamento voluntario polo imputado en calquera momento anterior á resolución, porá fin ó expediente. Para efectualo deberán emprega-los impresos normalizados que lles serán facilitados nesta delegación provincial, sita no edificio administrativo de servicios múltiples-Monelos-A Coruña.
O que se lles comunica de acordo coa normativa antes citada, coa Lei 30/1992, do 26 de novembro, e co establecido no R.D. 1398/1993, do 4 de agosto.
A Coruña, 16 de abril de 2001.
Higinio José Sánchez-Rodilla Fuentes
Delegado provincial da Coruña
ANEXO
Expediente conservación do litoral: 2000/0100.
Denunciado: Vázquez Diéguez, Plácido.
DNI:
Último domicilio coñecido: lgar. A Aguieira-Portosín-Porto do Son 15970 A Coruña.
Infracción: construcción de escaleiras, valo de terra, cuberta e beirís.
Tipificación: artigo 91 e) da Lei 22/1998, de costas.
Cualificación: grave.
Sanción proposta: 95.000 pesetas.
Expediente conservación do litoral: 2001/0003.
Denunciado: Óscar Saavedra Promociones, S.L.
DNI:
Último domicilio coñecido: paseo Mandiá-O Burgo-Cambre 15660 A Coruña.
Infracción: construcción de vivendas.
Tipificación: artigo 91 e) da Lei 22/1998, de costas.
Cualificación: grave.
Sanción proposta: 284.375 pesetas.
Expediente conservación do litoral: 2001/0005.
Denunciado: Costa López, Francisco Javier.
DNI:
Último domicilio coñecido: Alfonos XII, 70 Ferrol 15400 A Coruña.
Infracción: construcción dun cerramento dun predio con postes de madeira de 1,50 m de altura en zona de servidume de protección sen autorización.
Tipificación: artigo 91 e) da Lei 22/1998, de costas.
Cualificación: grave.
Sanción proposta: 30.250 pesetas.
