Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño:
En autos seguidos perante este Xulgado do Social, tramitados baixo o número 872/2000, contra Roberto
Rodríguez Calvete-Construcciones RRC sobre salarios, dictouse a seguinte sentencia:
Na cidade da Coruña o 27 de marzo de 2001.
Jorge Hay Alba, maxistrado-xuíz do Social número dous desta cidade, viu os presentes autos de xuízo número 871/2000 seguidos por instancia de Cándido Pedreira Olveira, maior de idade, asistido polo letrado Antonio Pousa Merens, contra Roberto Rodríguez Calvete-Construcciones RRC, comparecendo o seu titular, sendo o obxecto da reclamación, salarios.
Seguen feitos e fundamentos de dereito.
Decido que, estimando demanda interposta por Cándido Pedreira Olveira contra a empresa Roberto Rodríguez Calvete-Construcciones RRC, debo condenar e condeno a esta a lle aboar ó demandante a cantidade de 644.052 pesetas polos conceptos reclamados na demanda.
Notifíqueselles esta resolución ás partes ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo se o recurrente non goza do beneficio da xustiza gratuíta, deberá ó anuncialo entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade, co número de conta 5603 clave 60, facendo constar no ingreso o número do expediente.
E, así mesmo, deberá, no momento de interpo-lo recurso, consigna-la cantidade de 25.000 pesetas en concepto de depósito na clave 65 da citada conta e expediente».
Así, por esta miña sentencia, definitivamente xulgando en primeira instancia, pronúncioo, mándoo e asínoo.
E para que lle sirva de notificación a Roberto Rodríguez Calvete-Construcciones RRC mediante a súa publicación no Diario Oficial de Galicia, que ten o seu enderezo descoñecido, expido e asino esta cédula na Coruña o 16 de abril de 2001.
O secretario xudicial
Rubricado
