Para os efectos do determinado nos artigos 121 da Lei do solo de Galicia e 38 do Regulamento de xestión urbanística, e en relación coa delimitación da unidade de execución do tramo de rúa entre avda.
Fco. Glez. Rei e confluencia de r/ Pedra da Moa e avda. López Blanco, faise constar que o Pleno desta Corporación, na sesión celebrada o día 19 de marzo de 2001, adoptou, por unanimidade, o acordo que seguidamente se transcribe, na súa parte dispositiva:
Primeiro.-Desestima-las alegacións formuladas por María Luz Calleja Pérez, Francisco Javier Santalices Rodríguez, Fernando Mouriño Villar, Rosa Feijóo Grande e Gonzalo Calleja Rodríguez de acordo co informe técnico do redactor do proxecto.
Segundo.-Aprobar definitivamente o polígono de delimitación a fins expropiatorios nesta actuación illada, a que se refire a execución da obra tramo de rúa entre avda. Fco. Glez. Rei e confluencia de r/ Pedra da Moa e avda. López Blanco, comprendendo tanto o solo incluído no espacio con sistema de execución directa, como parte do solo da unidade de actuación UE-3, tendo en conta que nesta soamente respecto ó terreo e bens que se van ocupar para a rúa de nova apertura e o de parcelas especialmente beneficiadas por seren colindantes con esta, con finalidades de financiamento; todo isto de acordo con detalle en planos unidos ó expediente.
Terceiro.-Que a incorporación do devandito solo da UE-3 non alterará determinacións, aproveitamentos, dereitos e obrigas que o Plan xeral establece para UE-3 no espacio non incluído no citado polígono delimitado, co fin de que non se modifiquen tales circunstancias cando completen os propietarios o desenvolvemento e execución da devandita unidade polo sistema de compensación previsto no plan, procurando entre eles a xusta distribución de cargas e beneficios como se se incluíse no seu proxecto de compensación, xa que debe considerarse que tódolos propietarios na UE-3 teñen parcelas cara á nova rúa de apertura, con posibilidade de aproveitamento na banda edificable paralela á nova rúa e deben ser eles os que na Xunta de Compensación regulen esta xusta distribución de dereitos e cargas anteriormente referidos.
Cuarto.-Xa que logo, e baixo as determinacións e circunstancias que conteñen os acordos incluídos nos dous parágrafos anteriores, apróbase definitivamente a exclusión parcial na UE-3 do sistema de compensación e soamente das superficies a que refire o segundo dos acordos deste asunto.
Quinto.-Apróbase definitivamente a relación de propietarios e bens inmobles afectados unidos ó proxecto de delimitación.
Sexto.-Notificar este acordo ós interesados, coa copia do informe técnico emitido para efectos de motivación.
Celanova, 2 de abril de 2001.
O alcalde
Rubricado