De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, e da Lei 4/1999, que modifica parcialmente a citada Lei 30/1992 notifícaselles ás persoas que se relacionan no anexo, na súa condición de interesados como propietarios actuais, a resolución do delegado desta consellería en Pontevedra, recaída no expediente administrativo sancionador, polos feitos sinalados, presumiblemente constitutivos dunha infracción da Lei 22/1988, do 28 de xullo, de costas, (no sucesivo L.C.) e do seu regulamento xeral para o desenvolvemento e execución da L.C., aprobado polo R.D. 1471/1989, do 1 de decembro e modificado polos RR.DD. 1112/1992, do 18 de
setembro, e 1771/1994, do 5 de agosto (en diante R.C.).
Contra esta resolución pódese interpoñer, segundo o artigo 114 e seguintes da Lei 4/1999, de modificación da Lei 30/1992, recurso de alzada perante o conselleiro de Medio Ambiente no prazo dun mes, contado a partir da publicación deste anuncio no Diario Oficial de Galicia.
Pontevedra, 16 de abril de 2001.
José Luís Díez Yáñez
Delegado provincial de Pontevedra
ANEXO
Expediente número: 85.1/1999.
Interesados: Jose Luis Rodríguez GarcÍa e Mª Pilar Outeiriño Aguiar.
Condición: propietarios actuais.
Último enderezo coñecido: rúa Mestre Monte, nº 6-3º D. Vigo.
Data da resolución: 26-3-2001.
Feitos: instalación dunha casa prefabricada e cerrume de parcela.
Lugar: As Aceñas.
Concello: a Illa de Arousa.
Preceptos infrinxidos: artigos 25.1º a) e 26.1º da L.C. e artigos 44.3º e 45.1º do R.C.
Preceptos sancionadores: artigos 90 c), 91.2º e), 95.1º e 97.1º b) da L.C. e artigos 174 c), 175.2º e), 179.1º e 183 b) do R.C.
Cualificación da infracción: grave.
Sanción: 619.710 pesetas.
Medidas correctoras: ó abeiro dos artigos 95.1º da L.C. e 179.1º do R.C. o infractor estará obrigado á restitución das cousas e á súa reposición ó seu estado anterior, debendo realizalo no prazo dun mes, desde que a resolución sexa definitiva en vía administrativa. Transcorrido o prazo sen que se cumprise o ordenado, imporáselle unha multa coercitiva polo importe de sesenta e unha mil novecentas setenta e unha pesetas mensuais (61.971 pesetas) ata a súa total execución, procedéndose á súa execución subsidiaria por conta do infractor e á súa custa, caso de que este non o leve a cabo.