Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 126/2001, seguidos por instancia de Carlos J. Lago Blanco e outro, contra Manuel Bermúdez Romero, sobre despedimento, nos que recaeu sentencia con data do 6-4-2001 que, copiada nos particulares necesarios, di así:

«Que, estimando a demanda formulada por Carlos Javier Lago Blanco e Ramón Nogueira Vilariño, declaro a improcedencia do seu despedimento e condeno a empresa Manuel Bermúdez Romero a que, á súa elección, que debe efectuar no prazo de cinco días, os readmita no seu posto de traballo ou os indemnice coa cantidade de 46.905 pesetas a Carlos Javier Lago Blanco e 51.121 pesetas a Ramón Nogueira Vilariño, con aboamento en todo caso dos salarios deixados de percibir desde a data do despedimento ata a da notificación desta sentencia, e que ata a data ascenden á cantidade de 406.868 pesetas a Lago Blanco e 443.443 pesetas a Nogueira Vilariño.

Notifíquese esta resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte ó da súa notificación.

Prevense a empresa demandada de que para recorrer deberá acreditar ter ingresado na c/c de consignacións, código 5604.0000.60 126-2001 do

Banco Bilbao-Vizcaya desta cidade, denominada Conta do Xulgado do Social Número Tres, o importe da condena e 25.000 pesetas en concepto de depósito; sen os ditos requisitos non será admitido a trámite o recurso, quedando firme a sentencia.

Así mesmo, advírteselle á parte demandada que, se fai uso de tal dereito, optando pola readmisión, durante a substanciación do procedemento deberá aboar á parte demandante o mesmo salario que percibiría, estando obrigada esta a presta-los seus servicios á demandada, a menos que prefira facer uso de tal aboamento sen percibir compensación ningunha por parte da demandante.

Así, por esta miña sentencia, da que se unirá certificación ós autos orixinais para a súa notificación e cumprimento, pronúncioo, mándoo e asínoo».

E para que conste, para efectos da súa publicación no Diario Oficial de Galicia, co fin de que sirva de notificación en forma á empresa Manuel Bermúdez Romero, expido e asino esta cédula na Coruña o 6 de abril de 2001.

O secretario xudicial

Rubricado