Agustín Ignacio Pena López, secretario do Xulgado do Social número un da Coruña, fago saber que nos autos nº 531/2000, seguidos por instancia de Antonio Pedreira Vieiro contra Axcli, S.L. e outras, sobre indemnización accidente, a maxistrada xuíza deste xulgado, María Antonia Rey Eibe, dictou sentencia, na data 16-3-2001, coa seguinte parte dispositiva:
«Que, desestimando a demanda interposta por Antonio Pedreira Vieiro, contra o Instituto Nacional da Seguridade Social, a Mutua Gallega de Accidentes de Trabajo, a empresa Axcli, S.L. e a Tesourería Xeral da Seguridade Social, debo absolver e absolvo os ditos demandados dos pedimentos contidos na demanda.
Notifíqueselles esta resolución ás partes, ás que se fará saber que, contra a referida sentencia, cabe o recurso de suplicación, ante o Tribunal Superior de Xustiza de Galicia, que poderán anunciar perante este xulgado dentro dos cinco días seguintes á notificación desta resolución cos requisitos esixidos no artigo 191 e seguintes da Lei de procedemento laboral.
Así, por esta miña sentencia, xulgando definitivamente na primeira instancia, pronúncioo, mándoo e asínoo».
E para que lle sirva de notificación a Axcli, S.L., que tivo o seu último enderezo coñecido en r/ Miguel Servet, 12, A Coruña, e que na actualidade se descoñece, e co fin da súa publicación no Diario Oficial de Galicia, expido e asino este edicto na Coruña o 10 de abril de 2001.
O secretario xudicial
Rubricado