No Xulgado do Contencioso-Administrativo número un de Santiago de Compostela tramítase o recurso 38/2001 (procedemento abreviado), interposto polo Sindicato Nacional de Comisións Obreiras de Galicia, coa seguinte pretensión: que se declare a obriga da Administración sanitaria de recoller na relación de postos de traballo os desempeñados polo persoal transferido polo Decreto 58/1998, do 8 de febreiro (DOG nº 38, do 22 de febreiro), de transferencia á Comunidade Autónoma de Galicia do Complexo Hospitalario Provincial-Rebullón dependente da Deputación Provincial de Pontevedra, con recoñecemento do dereito deste persoal a figurar na dita relación.
O que se notifica para xeral coñecemento de tódalas persoas interesadas no procedemento, e emprázanse para que poidan comparecer en forma no xulgado como demandados no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 23 de abril de 2001.
Valeriano Martínez García
Director xeral da División de Recursos Humanos