A disposición segunda, 2, da Lei orgánica 15/1999, do 13 de decembro, de protección de datos de carácter persoal (BOE nº 298, do 14 de decembro ), especifica que a creación ou modificación dos ficheiros das administracións públicas só poderán facerse mediante a disposición xeral correspondente.
Tendo en conta o exposto, e en virtude das facultades que me confire o artigo 34 da Lei 1/1983, do 22 de febreiro, reguladora da Xunta e do seu presidente, modificada pola Lei 11/1998, do 20 de outubro
DISPOÑO:
Artigo 1º.-Obxecto.
Créanse na Consellería de Familia, Promoción do Emprego, Muller e Xuventude os ficheiros de datos de carácter personal en materia de xuventude que se identifican a seguir:
a) Ficheiro de expedición de títulos de ensino en escolas de tempo libre.
b) Ficheiro de censo de entidades xuvenís.
c) Ficheiro do sistema de xestión de programas para a xuventude.
Artigo 2º.-Ficheiro de expedición de títulos de ensino en escolas de tempo libre. Finalidade, estructura e usos.
Este ficheiro ten por finalidade a expedición dos títulos de monitores e directores de tempo libre e directores de campos de traballo. As persoas e/ou colectivos afectados son calquera persoa maior de 18 anos que voluntariamente queira formarse no eido do tempo libre.
Neste ficheiro contéñense datos de carácter persoal:
-Datos de carácter identificativo: nome, DNI, data de nacemento, enderezo.
-Datos académicos e profesionais.
A estructura básica do ficheiro é a de unha base de datos.
O uso previsto deste ficheiro é a expedición e control dos títulos correspondentes e o control do cumprimento da normativa para poder constituírse en escolas de tempo libre.
Artigo 3º.-Ficheiro de censo de entidades xuvenís. Finalidade, estructura e usos.
Este ficheiro ten por obxecto dispor dun censo de asociacións xuvenís e entidades prestadoras de servicios dentro do ámbito da Comunidade Autónoma galega. Os colectivos afectados son grupos de mozos/as entre 14 e 30 anos ou maiores de 30 anos que forman parte das asociacións ou entidades prestadoras de servicios censadas.
Neste ficheiro contéñense datos de carácter persoal:
-Datos de carácter identificativo: nome, DNI.
A estructura básica do ficheiro é a de unha base de datos.
O uso previsto para este ficheiro é leva-lo control das asociaciacións que cumpren coa normativa e que lles permite acceder ás subvencións que convoca anualmente a Dirección Xeral de Xuventude.
Artigo 4ª.-Ficheiro do sistema de xestión de programas para a xuventude. Finalidade, estructura e usos.
Este ficheiro ten por finalidade efectua-la reserva de praza para participar en determinados programas da Dirección Xeral de Xuventude. O colectivo afectado é a mocidade galega entre 18 e 30 anos.
Neste ficheiro contéñense datos de carácter persoal:
-Datos de carácter identificativo: nome, DNI, data de nacemento, teléfono, enderezo e antigüidade no carné de conducir.
O uso previsto deste ficheiro é levar a cabo a asignación das prazas convocadas. A súa estructura básica é a dunha base de datos.
Artigo 5º.-Medidas de seguridade.
Estes ficheiros foron clasificados como de nivel básico, atendendo ó disposto no artigo 4 do Real decreto 994/1999 do 11 de xuño. As medidas de seguridade polas que se rexerá o ficheiro están especificadas no documento de seguridade elaborado pola Dirección Xeral de Organización e Sistemas Informáticos da Consellería da Presidencia e Administración Pública.
Artigo 6º.-Usos previstos.
Os datos de carácter persoal rexistrados nos ficheiros automatizados da Consellería de Familia, Promoción do Emprego, Muller e Xuventude ós que se refire o artigo 1º, só serán utilizados para os fins expresamente previstos e por persoal debidamente autorizado.
Artigo 7º.-Órganos da Administración responsables dos ficheiros.
A responsabilidade sobre os ficheiros automatizados corresponde, baixo a autoridade do secretario xeral á Subdirección Xeral de Coordinación Administrativa e Control Orzamentario, sen prexuízo da responsabilidade directa que na xestión e custodia
dos ficheiros corresponda ó xefe de cada un dos correspondentes servicios.
A responsabilidade da seguridade corresponde á Dirección Xeral de Organización e Sistemas Informáticos da Consellería de Presidencia e Administración Pública.
Artigo 8º.-Dereito de acceso, rectificación e cancelación.
Os dereitos de acceso, rectificación e cancelación podrán exercerse, se é o caso, ante a unidade ou dependencia responsable do ficheiro (Edificio Administrativo San Caetano, s/n 15771 Santiago de Compostela).
Artigo 9º.-Procedemento de recolla de datos.
O procedemento de recolla dos datos de carácter persoal realizarase por medio da solicitude dos propios interesados.
Artigo 10º.-Cesión de datos.
No caso de cesión dos datos ós servicios da estatística das administracións públicas, observarase o disposto na normativa vixente sobre materia estatística.
Disposición derradeira
A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 20 de abril de 2001.
Manuela López Besteiro
Conselleira de Familia e Promoción do Emprego,
Muller e Xuventude