Para os efectos previstos na Lei 6/1993, do 11 de maio, de pesca de Galicia, no Decreto 193/1997, do 5 de xuño, polo que se determinan as condicións para o outorgamento do permiso de actividade para os establecementos de cultivos mariños e auxiliares situados na zona terrestre, na Lei 22/1988, do 28 de xullo, de costas, e no Real decreto 1471/1998, do 1 de decembro, sométese a información pública a petición de permiso de actividade do establecemento que se describe:
-Tipo: cetaria.
-Nome: Mariscos Benavides, S.L.
-Actividade: estabulación de crustáceos.
-Especies: nécora (Necora puber), boi (Cancer pagurus), centola (Maja squinado), bogavante (Homarus gammarus) e lagosta (Palinurus elephas).
-Localización: Mercagalicia, S.A., polígono ind. do Tambre, Santiago de Compostela (A Coruña).
-Solicitante: Mariscos Benavides, S.L. CIF: B-36.234.243.
O expediente, integrado polo proxecto e a documentación complementaria, estará á disposición do público co fin de que calquera persoa física ou xurídica poida examinalo e achega-las alegacións e informacións que considere oportunas.
Prazo de exposición: 20 días hábiles contados a partir do seguinte a aquel no que teña lugar a publicación deste anuncio no Diario Oficial de Galicia.
Lugar de exhibición: Servicio de Acuicultura, Dirección Xeral de Recursos Mariños, Consellería de Pesca, Marisqueo e Acuicultura, edificio administrativo San Caetano, 15771 Santiago de Compostela (A Coruña).
Horas: das 9 ás 14 horas.
Prazo para formular alegacións: 20 días hábiles contados a partir do seguinte a aquel no que teña lugar a publicación deste anuncio no Diario Oficial de Galicia.
Santiago de Compostela, 12 de marzo de 2001.
Javier Pereiro Muñoz
Director xeral de Recursos Mariños