Visto o texto de actualización da táboa salarial para o ano 2000 e a elaboración da táboa provisional para o ano 2001 do convenio colectivo da empresa Elaboradora de Cefalópodos, S.A. (Elcesa) (código convenio 1503452), que tivo entrada nesta delegación provincial o día 28-3-2001, subscrito pola comisión paritaria o día 27-3-2001, de conformidade co disposto no artigo 90.2º e 3º Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la inscrición no libro de rexistro de convenios colectivos de traballo, que consta nesta delegación provincial, e notificación ás representacións económica e ocial da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 2 de abril de 2001.

María Silva Costoya

Delegada provincial da Coruña

Acta final

Empresa:

José García Loureda.

Traballadores:

Beatriz Romaus Casas.

Andrés Vilariño Moro.

Asesor:

Roberto Veira López, UGT.

Fernando Vázquez Martínez, UGT.

En Bergondo, o 27 de marzo de 2001, ás 16.30 horas, reúnense nos locais da empresa Elcesa, S.A. as partes que á marxe se relacionan, membros da comisión paritaria do convenio colectivo da empresa Elcesa.

Acordan:

1. A revisión, actualización e elaboración da táboa salarial definitiva de aplicación ó ano 2000, nun 1,5 %, a cal se achega a esta acta como anexo I, conforme o sinalado na cláusula salarial (artigo 28).

2. O pagamento das diferencias dos conceptos económicos revisados, correspondente ós atrasos con carácter retroactivo desde o 1 de xaneiro de 2000, efectuarase dentro do primeiro trimestre de 2001 e servirá de base de cálculo para o incremento salarial deste ano.

3. Aproba-la táboa salarial provisional para o ano 2001, que se achega como anexo II, procedendo a efectuar un incremento salarial do 2,5%, de conformidade co previsto no artigo 26 do convenio colectivo vixente.

4. Remitirlle á Delegación Provincial de Traballo copias da acta e táboas salariais, para os efectos legais oportunos.

Sen máis asuntos que tratar, levántase a sesión, ás 20 horas do día arriba indicado, asinando os presentes esta acta, en proba de conformidade.

ANEXO I

Táboa definitiva de salarios ano 2000

ANEXO II

Táboa provisional de salarios ano 2001