Visto o texto da acta levantada pola comisión paritaria do convenio colectivo fabricantes de mobles de Ourense (código de convenio 3200185, publicado BOP nº 135, do 14-6-2000), acordando a revisión salarial e o axuste da xornada para o ano 2001, con entrada nesta delegación provincial o día 19-3-2001, subscrito con data 6-3-2001 polos membros da comisión paritaria do citado convenio, en representación das empresas e dos traballadores do sector, e de conformidade co disposto no artigo 90.2º e 3º do Estatuto dos traballadores, texto refundido aprobado polo Real decreto 1/1995, do 24 de marzo, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, e demais normas aplicables de dereito común, esta delegación provincial
ACORDA:
Primeiro.-Ordena-la inscripción no libro de rexistro de convenios colectivos de traballo, que consta nesta delegación provincial, e notificación ás representacións económica es ocial da comisión negociadora.
Segundo.-Ordena-lo seu depósito no Servicio de Relacións Laborais, Unidade de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Ourense, 27 de marzo de 2001.
José Lage Lage
Delegado provincial de Ourense
Acta
En Ourense, ás 20 horas do día 6 de marzo de 2001, reúnense na primeira planta do edificio AISS a comisión paritaria do convenio colectivo de fabricantes de mobles de Ourense, co obxecto de toma-los seguintes acordos:
1. Proceder á actualización das táboas salariais, de conformidade co establecido na disposición adicional terceira do convenio colectivo de 2000, e,
en consecuencia, aplicar un 1,8% sobre as táboas de 2000, que é a diferencia entre o 4% que foi o IPC resultante o 31 de decembro de 2000, e o 2,02% sinalado na dita disposición adicional, polo que resultan as táboas que se sinalan na folla anexa.
2. Fixa-los días libres para este ano 2001, que en aplicación da xornada anual de 1.780 horas supón o desfrute de cinco días e medio aboables e non recuperables, sinalándose para o efecto os seguintes:
17 de maio, 2 de novembro, 7, 24 e 31 de decembro, e media xornada do día 18 de maio de 2001. E todo iso sen prexuízo de que se fixen outros días distintos por acordo entre a empresa e os seus traballadores.
Por parte das asociacións de fabricantes de mobles e fabricantes de mobles de cociña e as centrais sindicais UGT e CC.OO., acórdase deixar en suspenso a negociación do convenio, mentres non se saiba o que se acordou a nivel nacional no Acordo xeral da madeira que se está negociando en Madrid, sinalándose en calquera caso como data tope a do día 16 de abril de 2001, para volverse reuni-la comisión negociadora.
A CIG manifesta que non está de acordo coa dita suspensión ó entender que o que se está negociando en Madrid non xustifica a suspensión das negociacións do convenio provincial.
E non tendo máis que tratar, levántase a sesión ás 20.30 horas do día anteriormente sinalado, asinándose para o efecto a correspondente acta.
Revisión de táboas do convenio de mobles de Ourense
2000 IPC 1,8% actualizadas
Categoría Salario base
Revisión
Táboas
Peón 99.803 1.796 101.599
Axudante 108.606 1.955 110.561
Oficial de 2ª 111.323 2.004 113.327
Oficial de 1ª 111.717 2.011 113.728
Encargado 114.391 2.059 116.450
Auxiliar administrativo 110.103 1.982 112.085
Administrativo de 2ª 111.323 2.004 113.327
Administrativo de 2ª 111.717 2.011 113.728