De conformidade co disposto polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificado por Lei 4/1999, do 13 de xaneiro, notifícaselles ós herdeiros de Juana Gómez Freijeiro, resolución de renuncia, dictada polo delegado provincial da Consellería de Política Territorial, Obras Públicas e Vivenda, con data 5 de marzo de 2001, ó abeiro do disposto no Decreto 70/1997, do 14 de marzo, de estructura orgánica do IGVS ( modificado polo Decreto 258/1999, do 17 de setembro), que literalmente di:

«Vistas as actuacións practicadas en relación á adxudicataria, en réxime de aluguer, Juana Gómez Freijeiro, e, tendo en conta os seguintes:

Feitos.

1º Que segundo carta de adxudicación de data 6 de xullo de 1990, rexistro de saída núm. 5119, de 9 de xullo, adxudicóuselle a Juana Gómez Freijeiro, en réxime de aluguer, a vivenda de protección oficial de promoción pública, situada na rúa Alemaña nº 53, bloque G-2, piso baixo D, Monteporreiro-Pontevedra, do expediente PO-82/080, conta 104.

2º Con data do 24-10-2000, a interesada manifestou en comparecencia, nesta área provincial do IGVS que, como consecuencia do seu estado de saúde, renunciaba á devandita vivenda e a tódolos dereitos derivados dela.

Fundamentos de dereito.

I. É competente para resolve-lo presente procedemento o delegado provincial da Consellería de Política Territorial, Obras Públicas e Vivenda, en virtude do disposto no Decreto 70/1997, do 14 de marzo, de estructura orgnánica do IGVS (modificado por Decreto 258/1999, do 17 de setembro.

II. Os feitos expostos constitúen causa suficiente para declara-la finalización do contrato de arrendamento, por renuncia da arrendataria.

III. Na tramitación deste expediente observáronse as normas vixentes contidas no Decreto 2114/1968, do 24 de xullo, polo que se aproba o Regulamento de vivendas de protección oficial e na Lei 30/1992, do 26 de novembro, de réxime xurídico das administracións públicas e do procedemento administrativo común.

Vistos os preceptos legais citados de demais de xeral e pertinente de aplicación, esta delegación provincial

RESOLVE:

Acepta-la renuncia presentada por Juana Gómez Freijeiro e, en consecuencia declara-la finalización do contrato de arrendamento, con recuperación da vivenda, sen prexuízo de practica-la liquidación que corresponda.

Contra esta resolución, que non é definitiva en vía administrativa, poderá interpoñer recurso de alzada ante o conselleiro de Política Territorial, Obras Públicas e Vivenda, no prazo dun mes, de conformidade co previsto no artigo 114 da Lei 30/1992, do 26 de novembro e modificacións introducidas pola Lei 4/1999, do 13 de xaneiro, de réxime xurídico das administracións públicas e do procedemento administrativo común. Pontevedra 5 de marzo de 2001. O delegado provincial. Asdo.: José Manuel Iglesias Carrera».

Expido, asino e sello esta cédula en Pontevedra o 19 de marzo de 2001.

Andrés Iglesias López

Xefe de Área Provincial de Pontevedra

ANEXO

Expediente administrativo: PO-82/080.

Nome: Juana Gómez Freijeiro.

Enderezo: Alemaña 43, bloque G-2, baixo D.