Vista a documentación que consta no expediente nº 26/2001, remitido polo Concello de Ourense, con base nos seguintes:
I. Antecedentes.
1º O Concello de Ourense remitiu o expediente de expropiación forzosa polo procedemento de taxación conxunta dos bens e dereitos afectados pola execución do proxecto de recuperación dos ríos Barbaña e Barbañica e o complementario nº 1 del, de conformidade co disposto polo artigo 145 da Lei 1/1997, do 24 de marzo, do solo de Galicia (LSG).
2º O Concello de Ourense, con data do 11 de maio de 2000, acordou inicia-lo expediente de expropiación forzosa mediante o proxecto de taxación conxunta, e sometelo a información pública polo prazo dun mes, anunciándoo no xornal La Región de data 26 de maio de 2000 e no DOG de data 23 de xuño de 2000.
No que se refire ó proxecto complementario nº 1 do citado proxecto, o Concello de Ourense en sesión do 26 de outubro de 2000, acordou inicia-lo expediente e sometelo a información pública polo prazo dun mes anunciándose no xornal La Región de data 8 de novembro de 2000 e no DOG de data 4 de xaneiro de 2001.
3º As taxacións foron notificadas individualmente ós que aparecen como titulares de bens e dereitos no expediente, dándolles traslado literal da correspondente folla de taxación e da proposta de fixación dos criterios de valoración, para que formulasen alegacións no prazo dun mes, contado a partir da data de notificación, tal e como sinala o artigo 145.4º da Lei do solo de Galicia.
4º O Concello de Ourense emitiu informe individualizado sobre cada unha das alegacións presentadas polos interesados, de conformidade co artigo 145.6º da Lei do solo de Galicia, e remitiu o expediente de expropiación forzosa a esta consellería para a súa aprobación definitiva.
II. Fundamentos xurídicos.
Primeiro.-O proxecto de expropiación forzosa tramitouse polo procedemento de taxación conxunta de conformidade co disposto no artigo 145 da Lei do solo de Galicia.
Segundo.-O proxecto de expropiación polo procedemento de taxación conxunta ten por obxecto executa-lo proxecto de recuperación dos ríos Barbaña e Barbañica.
En virtude do disposto polos artigos 33 da Lei 6/1998, do 13 de abril, sobre rexime do solo e valoracións, e os artigos 54, en relación co 124 e 145, da Lei 1/1997, do 24 de marzo, do solo de Galicia, a dita aprobación implica a declaración de utilidade pública das obras e a necesidade da ocupación dos terreos incluídos no ámbito dos polígonos, resultando lexitimada a expropiación proposta.
Terceiro.-O expediente tramitado conta coa documentación preceptiva esixida polo artigo 145.1º da Lei 1/1997, do solo de Galicia:
-Determinación do seu ámbito territorial, cos documentos que o identifican en canto a situación, superficie e lindeiros.
-Fixación de prezos coa valoración razoada do solo, segundo a súa cualificación urbanística.
-Follas de prezo xusto individualizado de cada predio.
-Follas de prezo xusto que corresponden a outras indennizacións, se é o caso.
Cuarto.-Os criterios de valoración fixados no proxecto de expropiación axústanse ós establecidos polos artigos 23 e seguintes da Lei 6/1998, sobre réxime do solo e valoracións.
Quinto.-A competencia para aproba-lo expediente de expropiación forzosa polo procedemento de taxación conxunta correspóndelle por delegación ó director xeral de Urbanismo, de acordo co artigo 1 da Orde do 30 de decembro de 1999, do conselleiro de Política Territorial, Obras Públicas e Vivenda (DOG do 10 de xaneiro de 2000), pola que se delegan atribucións en materia de urbanismo.
Na súa virtude, vista a Lei 1/1997, do 24 de marzo, do solo de Galicia, a Lei 6/1998, do 13 de abril, sobre réxime do solo e valoracións, e as demais disposicións aplicables, proponse adopta-la seguinte
RESOLUCIÓN:
Primeiro.-Aprobar definitivamente o proxecto de expropiación forzosa polo procedemento de taxación conxunta dos bens e dereitos necesarios para a execución do proxecto de recuperación dos ríos Barbaña e Barbañica e o complementario do proxecto de recuperación dos ríos Barbaña e Barbañica, para os efectos previstos polos artigos 145 e 146 da Lei 1/1997, do 24 de marzo, do solo de Galicia, con estimación ou desestimación das alegacións nos termos que aparecen nos informes de contestación a estas que constan no expediente.
Esta aprobación definitiva do expediente de taxación conxunta implicará a declaración de urxencia da ocupación dos bens e dereitos afectados polo proxecto de expropiación, de conformidade co establecido no artigo 146.1º da Lei do solo de Galicia.
En consecuencia, o pagamento ou depósito do importe da valoración establecida producirá os efectos previstos nos números 6, 7 e 8 do artigo 52 da Lei de expropiación forzosa, sen prexuízo de que continúe a tramitación do procedemento para a definitiva fixación do prezo xusto (artigo 146.2º da Lei do solo de Galicia).
Segundo.-Notifica-lo contido desta resolución aprobatoria do expediente ó Concello de Ourense e de xeito individualizado a tódolos que aparezan como titulares dos bens e dereitos que figuran no expediente, ó que se lle xuntará a correspondente folla de valoración, conferíndolles ós titulares un prazo de vinte días durante o que poderán manifestar por escrito ante a Dirección Xeral de Urbanismo a súa desconformidade coa valoración establecida no expediente aprobado, de conformidade co disposto polo artigo 145.7º da Lei do solo de Galicia, advertíndolles que, transcorrido o citado prazo de vinte días sen que se formule oposición á valoración, se entenderá aceptada a que se fixou no acto aprobatorio do expediente, entendéndose determinado o prezo xusto definitivamente e de conformidade (artigo 145.8º da Lei do solo de Galicia).
Terceiro.-Publicar esta resolución, así como a seguinte relación dos bens e dereitos afectados pola
expropiación, no Diario Oficial de Galicia e no taboleiro de edictos do concello:
Relación de propietarios afectados pola expropiación forzosa de terreos para a execución do proxecto de recuperación dos ríos Barbaña e Barbañica e o complemento nº 1 dos proxectos de recuperación dos ríos Barbaña e Barbañica.
Nº predio Propietario Prezo xusto
1 Abel Rodríguez Do Mouro 1.404.585 2 Manuel Rodríguez Bouzo 2.094.210 3 Concepción Martínez 260.852 4 Irene Paradela Rivas 855.086 5 Dolores Gómez Carballo 256.838 6 Manuel Caride Carballo 389.094 7 Julia Novoa Santos 288.943 8 Bernardino Pérez González 349.140 9 José Cuquejo Tombo 333.087 10 Manuel Caride Carballo 1.667.992 11 Indalecio Cuquejo López 337.100 12 Bernardino Pérez González 1.051.432 13 Bernardino Pérez González 441.441 14 Castor Villar Parente 461.341 15 Benigno Grande González 1.073.300 16 Delmiro Barreiros Zorelle 240.786 17 María Olimpia Pérez Veiras 742.423 18 Antonio Olleros Vázquez 168.550 19 Manuel Enrique Pérez Caride 818.672 21 Manuela González Das Tres 1.420.650 22 José Rodríguez Rodríguez 650.122 23 Manuel e Enrique Pérez Grande 790.581 25 Manuel Giralde Dastres 1.161.997 27 Ángela Giralde Dastres 926.272 28 Ignacio Morenza Ferreiro 749.358 32 Arsenio Pérez Fernández 280.917 33 Mª Consuelo Fondovila González 288.943 43 Antonio Gómez Agregán 1.410.623 45 Pedro Rodríguez Alvarado 1.867.167 47 Rosa Gómez González 2.129.411 57 Hros. de Ermelinda Expósito G. 1.087.550 58 Manuel López Rodríguez 398.864 59 Josefa e Amelia Porto Diéguez 573.873 60 Jose A. López Rodríguez 280.312 61 Margarita e Mª Vázquez Vilariño 606.033 62 Josefa Forja Vázquez 340.509 63 Purificación Forja Vázquez 88.288 64 Josefa Forja Vázquez 88.288 65 Estrella Otero 88.288 67 Carmen Fdez. Porto 569.860 68 Isabel Babarro Porto 644.144 69 Manuel Quenlle Nogueiras 1.432.074 71 Ramón Regueira Fdez. 329.074 72 Jose V. González Borrajo 557.441 73 Isabel Álvarez Dorrego 1.027.463 74 Manuel Rodríguez Barreiros 920.000 75 Antonio González Borrajo 603.658 76 Florencio Regueira Peña 156.510 77 Manuel Dorrego Vázquez 3.940.864 78 Evelino Alonso Jardón 1.930.366 79 Ramón Rodríguez Limia 80 Fernando Fdez. Díaz 3.764.288 81 Manuel e Enrique Pérez Caride 1.244.061 82 Fernando Fdez. Díaz 1.404.585 83 José Mª Rodríguez Tarrío 722.358 84 Julia Álvarez Fernández 349.139 85 Emilio Barroso Brito 441.441 86 Mario Domínguez Rodríguez 349.140 88 Jesús Blanco Boo 128.419 89 Manuel García Fraga 88.288 90 Castro González Silva 80.262 91 Antonio Delpón Mondelo 152.498 92 Francisco Castro González 152.498 93 Ángel López Sabariz 136.445 94 Luis Cortizo Souto 136.445 95 Vicente Sabucedo (en rep. De ORVIVIOR) 1.164.177 3 Manuel Fernández Gómez 9.237.621
Así mesmo, a publicación e exposición no taboleiro de edictos do concello serviralles de notificación ós propietarios descoñecidos, a aqueles dos que se ignore o lugar de notificación ou ben tramitada a notificación, non se puidese realizar. Todo isto, de conformidade co disposto polo artigo 59.4º da Lei 30/1992, do 26 de novembro, de réxime xurídico
das administracións públicas e do procedemento administrativo común.
Cuarto.-Igualmente, notificaráselle o contido desta resolución á Fiscalía da Audiencia Provincial, para os efectos establecidos no artigo 5 da Lei de expropiación forzosa, en relación cos propietarios descoñecidos e os que non comparecen no procedemento expropiatorio.
Contra esta resolución, que pon fin a vía administrativa, poderase interpoñer recurso potestativo de reposición ante o conselleiro de Política Territorial Obras Públicas e Vivenda, no plazo dun mes contado a partir do día seguinte ó da notificación desta resolución (artigo 116, da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro) ou recurso contencioso-administrativo perante a sala do Contencioso-Administrativo do Tribunal Superior de Xustiza de Galicia no prazo de dous meses, contados desde o día seguinte ó da notificación (artigo 46.1º da Lei 29/1998, do 13 de xullo, reguladora da xurisdicción contencioso-administrativa).
Para o caso de que se interpoña o recurso potestativo de reposición, ata que sexa resolto expresamente ou se produza a desestimación presunta non se poderá interpoñe-lo recurso contencioso-administrativo.
Todo isto sen prexuízo de que, no caso de desconformidade coa valoración establecida, os interesados dispoñen dun prazo de vinte días para manifestaren a súa desconformidade como se indicou no punto 2 desta resolución, nos termos establecidos polo artigo 145.8º da Lei do solo de Galicia.
Santiago de Compostela, 29 de marzo de 2001.
José Jesús Cudeiro Mazaira
Directro xeral de Urbanismo