Examinado o expediente iniciado pola representante da Congregación Relixiosas de María Inmaculada, polo que solicita a transformación e cambio de denominación dos centros públicos, de réxime especial, de educación permanente de adultos María Inmaculada da Coruña, Santiago de Compostela, Lugo e Vigo en centros privados específicos de educación de persoas adultas.
Vistos a Lei orgánica 1/1990, do 3 de outubro (BOE do 4), de ordenación xeral do sistema educativo; Decreto 88/1999, do 11 de marzo (DOG do 13 de abril), polo que se regula a ordenación xeral das ensinanzas de educación de persoas adultas e os requisitos mínimos dos centros; Orde do 18 de xullo de 1997 (DOG do 31), pola que se autoriza a impartición de ensinanzas básicas iniciais (niveis I e II) en centros docentes de educación das persoas adultas na Comunidade Autónoma de Galicia; Orde do 18 de xullo de 1997 (DOG do 31), pola que se autoriza a determinados centros docentes públicos de educación de persoas adultas a imparti-las ensinanzas de educación secundaria para persoas adultas conducentes ó título de graduado en educación secundaria.
Tendo en conta que os mencionados centros contaban coa correspondente autorización para imparti-las ensinanzas de educación permanente de adultos, referida ás ensinanzas establecidas na Lei 14/1970, do 14 de agosto, xeral de educación e financiamento da reforma educativa, esta consellería, por proposta da Dirección Xeral de Centros e Inspección Educativa,
DISPÓN:
Primeiro.-Autoriza-la transformación e cambio de denominación dos centros públicos, de réxime especial, María Inmaculada da Coruña, Santiago de Compostela, Lugo e Vigo en centros privados, específicos de educación de persoas adultas, segundo os datos que figuran no anexo da presente orde.
Segundo.-Contra a presente disposición, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.
Santiago de Compostela, 4 de abril de 2001.
Celso Currás Fernández
Conselleiro de Educación e Ordenación
Universitaria
ANEXO
Provincia: A Coruña.
Concello: A Coruña.
Localidade: A Coruña.
Enderezo: Santiago de Compostela, 1 bis.
Denominación: López y Vicuña II.
Código do centro: 15023983.
Titular: Congregación Relixiosas de María Inmaculada.-Composición resultante:
Educación básica de adultos:
Nivel I: 2 unidades.
Nivel II: 2 unidades.
Provincia: A Coruña.
Concello: Santiago de Compostela.
Localidade: Santiago de Compostela.
Enderezo: Rúa Nova, 9.
Denominación: López y Vicuña.
Código do centro: 15024100.
Titular: Congregación Relixiosas de María Inmaculada.-Composición resultante:
Educación básica de adultos:
Nivel I: 1 unidade.
Nivel II: 1 unidade.
Nivel III: 2 unidades.
Provincia: Lugo.
Concello: Lugo.
Localidade: Lugo.
Enderezo: Teniente Coronel Teijeiro, 4.
Denominación: López y Vicuña.
Código do centro: 27015190.
Titular: Congregación Relixiosas de María Inmaculada.-Composición resultante:
Educación básica de adultos:
Nivel I: 2 unidades.
Nivel II: 2 unidades.
Provincia: Pontevedra.
Concello: Vigo.
Localidade: Vigo.
Enderezo: Vázquez Varela, 57.
Denominación: López y Vicuña.
Código do centro: 36016905.
Titular: Congregación Relixiosas de María Inmaculada.-Composición resultante:
Educación básica de adultos:
Nivel I: 2 unidades.
Nivel II: 2 unidades.
