A orde conxunta da Consellería da Presidencia e Administración Pública e da Consellería de Pesca, Marisqueo e Acuicultura do 6 de marzo de 2000, pola que se aproban as bases que rexerán as convocatorias de axudas e de bolsas correspondentes ó Programa de Investigación Mariña do Plan galego de Investigación e Desenvolvemento Tecnolóxico, no seu anexo V convocaba bolsas para formación en temas de investigación mariña de técnicos especialistas en formación profesional de segundo grao e ciclos formativos de grao superior.
Na base 3.2º do anexo V da mencionada orde establécese que as bolsas poderán ser prorrogadas automaticamente por un novo período de doce meses.
Con base niso,
DISPONSE:
Artigo 1º
Prorróganse por un novo período de 12 meses, comprendidos entre maio de 2001 e abril de 2002, as bolsas concedidas polas resolucións conxuntas da Secretaría Xeral de Investigación e Desenvolvemento e da Dirección Xeral de Formación Pesqueira e Investigación do 9 de maio de 2000 (DOG do 24 de maio) e do 20 de xullo de 2000 ( DOG do 16 de agosto).
Artigo 2º
O importe das bolsas incluirá:
-Unha asignación total dun millón vinte mil pesetas (1.020.000 pesetas) aboables en 12 mensualidades de oitenta e cinco mil pesetas (85.000 pesetas) cada unha, nas que se aplicará a correspondente retención fiscal.
-Seguro de asistencia médica e seguro combinado de accidentes que se imputará á mesma aplicación orzamentaria que as bolsas.
Artigo 3º
Para estas bolsas destinarase ata un máximo de dez millóns oitenta mil pesetas (10.080.000 pesetas) con cargo á aplicación orzamentaria 12.04.432.A.480.0 dos orzamentos xerais da Comunidade Autónoma dos anos 2001 e 2002 (6.720.000 pesetas no ano 2001 e 3.360.000 ptas no ano 2002).
Disposición derradeira
Primeira.-A estas bolsas seranlles de aplicación as restantes normas relacionadas no anexo V da Orde do 6 de marzo de 2000.
Segunda.-Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 20 de abril de 2001.
Jaime Pita VarelaAmancio Landín Jaráiz
Conselleiro da PresidenciaConselleiro de Pesca,
e Administración PúblicaMarisqueo e Acuicultura