Cumpridos os trámites previstos na Lei 62/1997, do 26 de decembro, de modificación da Lei 27/1992, do 24 de novembro, de portos do Estado e da mariña mercante, na Lei 22/1998, de costas, no seu regulamento, aprobado polo Real decreto 1471/1989, do 1 de decembro, e nas demais normas de procedente aplicación; acordouse, en virtude das atribucións delegadas por orde do conselleiro de Política Territorial, Obras Públicas e Vivenda do 29 de xaneiro de 1996, outorgar por resolucións que poñen fin á vía administrativa as seguintes concesións en dominio público portuario, con suxeición ás condicións estipuladas nos pregos de condicións correspondentes.
Resolución: 9-2-2001.
Obxecto: execución dunha canalización soterrada e instalación dunha liña eléctrica de media tensión na dita canalización.
Porto: Ribadeo.
Adxudicatario: Barras Eléctricas Galaico-Asturianas, S.A. (BEGASA).
Prazo: 15 anos.
Resolución: 26-2-2001.
Obxecto: utilización de instalacións de varada.
Porto: O Freixo.
Adxudicatario: Domingo Lago Martínez.
Prazo: 15 anos.
Contra os citados actos administrativos, que esgotan a vía administrativa, cabe interpor recurso contencioso-administrativo ante o Xulgado do Contencioso-Administrativo da Coruña no prazo de dous (2) meses, contados a partir do día seguinte ó da publicación da resolución que fai público o outorgamento.
Non obstante, os interesados poderán optar por interpor contra esta resolución recurso de reposición, no prazo dun (1) mes contado a partir do día seguinte ó desta publicación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago, 26 de marzo de 2001.
Emilio García Gallego
Presidente do ente público Portos de Galicia