O día 20 de maio de 1992, o Instituto Galego da Vivenda e Solo asinou un convenio co Concello de Vilamarín para a creación dun parque empresarial neste municipio.

En sesión celebrada o día 7 de xullo de 1993, a Comisión Provincial de Urbanismo da Consellería de Ordenación do Territorio e Obras Públicas adoptou un acordo polo que se aproba definitivamente o plan parcial do parque empresarial de Vilamarín.

O antedito plan parcial determina como procedemento de actuación para a súa execución o sistema de expropiación. Este sistema implica a declaración de utilidade pública das obras, e a necesidade de ocupación dos terreos e edificios correspondentes para os fins de expropiación ou imposición de servidume, de acordo co disposto no artigo 33 da Lei 6/1998, do 13 de abril, sobre réxime de solo e valoracións e o artigo 54 da Lei 1/1997, do 24 de marzo, do solo de Galicia.

Os bens e dereitos afectados pola expropiación están comprendidos dentro do ámbito de actuación delimitado no plan parcial do parque empresarial de Vilamarín, e están concretados na relación de propietarios e titulares de bens e dereitos que se precisan ocupar recollidos na documentación daquel plan.

Na súa virtude, acórdase o inicio do expediente de expropiación forzosa mediante o procedemento de taxación conxunta dos bens e dereitos afectados pola construcción do parque empresarial de Vilamarín.

De conformidade co previsto no artigo 145 da Lei 1/1997, do 24 de marzo, do solo de Galicia, sométese a información pública o devandito expediente expropiatorio para que, quen poida resultar interesado formule as observacións e reclamacións que coide convenientes, en particular no que atinxe á titularidade ou valoración dos seus respectivos dereitos.

Acórdase tamén a súa publicación no Diario Oficial de Galicia e nun xornal dos de maior circulación da provincia. Así mesmo, as taxacións notificaránselles individualmente ós que aparezan como titulares de bens ou dereitos no expediente, para que poidan formular alegacións no prazo dun mes, contado a partir da data de notificación.

Este anuncio servirá de notificación nos termos do artigo 59 da Lei 30//1992, do 26 de novembro, de réxime xurídico das administracións públicas e do procedemento administrativo común, para tódolos propietarios e interesados directamente afectados que, por resultaren descoñecidos ou por ignorarse o seu domicilio, non poidan ser notificados individualmente.

Durante o dito prazo, todas aquelas persoas ou entidades que se consideren afectadas poderán presenta-las alegacións que coiden oportunas, por triplicado exemplar, no Rexistro da Xefatura da Área Provincial do Instituto Galego da Vivenda e Solo, situado na rúa Sáenz Díez, nº 1, baixo, 32003 Ourense.

Santiago de Compostela, 11 de abril de 2001.

José Antonio Redondo López

Director xeral do Instituto Galego da Vivenda e

Solo

Relación de propietarios e bens afectados na expropiación dos terreos afectados polo parque empresarial de Vilamarín