De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselle ó denunciado cos datos persoais e último enderezo coñecido que se sinala a continuación as iniciacións dos correspondentes expedientes sancionadores por infracción da Lei 4/1997, de caza en Galicia, do 25 de xuño (DOG do 11 de xullo).
Noméase instructora do procedemento a Paloma Quiroga López e secretaria a Marta Joaquín Tersado, funcionarias da Xunta de Galicia. A resolución será acordada polo director xeral de Montes e Medio Ambiente Natural da Consellería de Medio Ambiente (Decreto 482/1997, do 30 de decembro,DOG do 8 da xaneiro de 1998, polo que se establece a estructura orgánica da Consellería de Medio Ambiente).
O denunciado disporá dun prazo de quince (15) días hábiles, contados a partir do seguinte ó da publicación desta resolución, para que poida examina-lo expediente nesta delegación provincial, sita na Ronda da Muralla, 70, e presenta-las alegacións e documentos que considere convenientes na súa defensa; así como para a recusación das persoas designadas
como instructora e secretaria en calquera momento da tramitación do procedemento.
O pagamento voluntario porá fin ó expediente. Para efectualo deberá emprega-los impresos normalizados, que lle serán facilitados nesta delegación provincial.
Lugo, 21 de marzo de 2001.
Luis González Vázquez
Delegado provincial de Lugo
ANEXO
Expediente: C-100/2000.
Denunciado: Emilio Fernández Abelaira.
DNI: 34.254.759.
Enderezo: Sobrelle Piñeiró. O Saviñao. Lugo.
Feitos imputados: facer uso indebido da escopeta en zona de seguridade, ó efectuar dous disparos desde a ponte de Piñeira, marxe esquerda, despois de apearse dun vehículo marca Nissan, modelo Patrol, matrícula CS-7262-L, abatendo tres patos. Feitos constatados o día 17-12-2000 ás 14 h aproximadamente, en Pereira-Piñeira. Monforte de Lemos. Lugo.
Preceptos infrinxidos: 58.33º da Lei 4/1997, de Caza en Galicia.
Calificación infracción: grave.
Sanción: 100.001 pesetas.
Indemnización por danos e prexuízos de 15.000 pesetas.
Inhabilitación para obte-la licencia de caza e para o exercicio deste actividade por un período dun ano e un día.