Outorgada a declaración de utilidade pública que leva implícita a urxente ocupación dos bens e dereitos afectados polas instalacións da liña eléctrica

aérea a 20 kV de 393 m de lonxitude, centro de transformación e rede de baixa tensión no lugar de Abuín, no termo municipal de Porto do Son (expte. nº 188/2000), por resolución desta delegación provincial de data 20 de decembro de 2000, a favor da entidade beneficiaria Unión Fenosa Distribución, S.A. con domicilio na avda. Arteixo, nº 171, 15007 da Coruña.

Esta delegación acorda sinala-lo día 8 de maio de 2001 para o levantamento das actas previas á ocupación, de conformidade cos artigos 52 da Lei de expropiación forzosa, do 16 decembro de 1954, e 56 do seu regulamento, do 26 de abril de 1957, nas que se describirán os bens ou dereitos expropiables e de imposición de servidume de paso de enerxía eléctrica, contidos na relación de predios que se expón xunto con esta resolución no taboleiro de edictos do Concello de Porto do Son, deducida da que se someteu a información pública no DOG, BOP e no xornal El Correo Gallego de datas 6 de novembro, 19 de outubro, 10 de outubro de 2000, respectivamente, acto ó que deberán concorre-los propietarios propostos dos predios afectados, ós que se lles practicará notificación individual sinalándoselle-los horarios de toma de datos sobre o terreo e do levantamento efectivo das actas nas oficinas da referida casa do concello.

Esta publicación realizarase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou cando se ignore o lugar de notificación; e así dirixirlle ó Ministerio Fiscal as dilixencias que se produzan destes, de conformidade con artigo 5 da citada Lei de expropiación forzosa.

A Coruña, 4 de abril de 2001.

Jesús Espada Martínez

Delegado provincial da Coruña