En cumprimento do disposto no artigo 25.4º da Lei 10/1995, do 15 de marzo, de ordenación do territorio de Galicia, esta dirección xeral dispón que se publique no DOG, o acordo adoptado polo Consello da Xunta de Galicia na súa reunión do 8 de marzo de 2001, que ten como parte dispositiva o seguinte texto literal:
«1. Aprobar definitivamente o proxecto sectorial de incidencia supramunicipal denominado parque eólico Outeiro do Coto.
2. De conformidade co contido do acordo do Consello da Xunta de Galicia do 1 de outubro de 1997, polo que se aproba o Plan Eólico de Galicia como proxecto sectorial de incidencia supramunicipal, o planeamento dos concellos de Cotobade, A Lama, Forcarei e Cerdedo queda vinculado ás determinacións contidas no proxecto sectorial que se aproba».
Santiago de Compostela, 15 de marzo de 2001.
Ramón Ordás Badía
Director xeral de Industria