En cumprimento do disposto no artigo 25.4º da Lei 10/1995, do 15 de marzo, de ordenación do territorio de Galicia, esta dirección xeral dispón que se publique no Diario Oficial de Galicia, o acordo
adoptado polo Consello da Xunta de Galicia na súa reunión do 8 de marzo de 2001, que ten como parte dispositiva o seguinte texto literal:
1. Aprobar definitivamente o proxecto sectorial de incidencia supramunicipal da L.A.T. 220 kV Vimianzo-Mazaricos.
2. De conformidade co contido do acordo do Consello da Xunta de Galicia, do 29 de xuño de 2000, polo que se declara a incidencia supramunicipal do proxecto L.A.T. 220 kV Vimianzo-Mazaricos, o planeamento dos Concellos de Mazaricos, Vimianzo e Dumbría queda vinculado ás determinacións contidas no proxecto sectorial que se aproba.
Santiago de Compostela, 15 de marzo de 2001.
Ramón Ordás Badía.
Director xeral de Industria