Visto o expediente para outorgamento de autorización administrativa e aprobación do proxecto de

execución da instalación eléctrica que a continuación se cita.

Solicitante: Unión Fenosa Distribución, S.A.

Domicilio social: avda. de Arteixo, 171, 15000 A Coruña.

Denominación: L.M.T.S., C.T. Restollal, 26.

Situación: Santiago de Compostela.

Descricións técnicas: coa finalidade de mellora-la calidade da subministración de enerxía eléctrica ós clientes da zona da rúa Restollal, no concello de Santiago de Compostela. L.M.T.S. a 20 kV, cunha lonxitude de 0,16 km, con orixe na L.M.T.S. Santiago II (expediente 52626) inmediacións C.D. Torres Compostela, e final na mesma liña unha vez entre e saia do C.T. proxectado. Centro de transformación prefabricado, cunha potencia de 400 kVA e unha relación de transformación de 20.000/380-220 V.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente ó seu dereito.

A Coruña, 14 de marzo de 2001.

Jesús Espada Martínez

Delegado provincial da Coruña