O Consello da Xerencia Municipal de Urbanismo, en sesión do 15 de febreiro de 2001, acordou aprobar inicialmente o estudio de detalle na rúa Sanjurjo Badía (expediente 5153/411) presentado pola entidade Promociones Inmobiliarias Cysalva, S.L. e redactado pola arquitecta Mercedes Muñoz Jaureguialzo e con visado do COAG con data do 12 de setembro de 2000.
Sométese o expediente ó trámite de información pública polo prazo dun mes mediante anuncio no DOG e nun dos xornais de maior difusión, así como notificación individual ós propietarios afectados. O prazo de exposición ó público entenderase aberto desde a primeira publicación ata o remate do mes contado desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público, planta baixa do edificio da Xerencia.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común, para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.
Vigo, 8 de marzo de 2001.
Lóis Pérez Castrillo
Alcalde-presidente da Xerencia
Municipal de Urbanismo