Detectados erros nas emendas das listas provisionais do corpo auxiliar da Xunta de Galicia (grupo D), publicadas pola Resolución do 27 de marzo de 2001 (DOG nº 66, do 3 de abril), procédese a dictar unha nova resolución pola que se modifica esta, e unha vez rectificados tales erros pola correspondente comisión, esta dirección xeral

RESOLVE:

Primeiro.-Facer pública como anexo I a esta resolución, unha vez rectificados os erros advertidos,

a relación de aspirantes que foron excluídos nas listas provisionais, que emendaron a causa de exclusión en tempo e forma e os aspirantes que non figuraban en ningunha relación e que, unha vez vistas as súas alegacións, pasaron a integrarse na lista de admitidos. De conformidade co disposto no artigo 4.3º do Decreto 89/1997, do 10 de abril, e na base 2ª da Resolución do 7 de xullo de 2000, a Comisión Permanente de Selección de Persoal Funcionario establece o número máximo de aspirantes admitidos naqueles que teñan unha puntuación igual ou superior a 2 puntos.

Segundo.-Facer público como anexo II a esta resolución unha vez rectificados os erros advertidos, os aspirantes non admitidos nas listas provisionais e que, unha vez vistas as súas alegacións, pasaron a integrarse na lista de admitidos.

Terceiro.-Os solicitantes relacionados nos anexos I e II que superaron a puntuación de 2 puntos estarán obrigados, no prazo de 5 días hábiles (artigo 50 da Lei 30/1992, do 26 de novembro), contados a partir do día seguinte ó da publicación deste anuncio no Diario Oficial de Galicia, a remitir á Dirección Xeral da Función Pública o xustificante de aboamento das taxas que a continuación se expresa:

Grupo D: 4.700 pesetas.

Estarán exentos do aboamento de taxas por dereito de inscrición os que foron admitidos no último proceso selectivo para o acceso ó corpo auxiliar da Xunta de Galicia (grupo D), lista B, de acordo coa base

terceira da resolución da Dirección Xeral da Función Pública do 7 de xullo de 2000.

Así mesmo, gozarán da exención desta taxa as persoas con discapacidade igual ou superior ó 33%, despois da xustificación documental.

Os que non o fixesen así no prazo sinalado, serán excluídos automaticamente das listas.

Os interesados disporán dun prazo de cinco días hábiles (artigo 50 da Lei 30/1992, do 26 de novembro), contados a partir do día seguinte ó da publi

cación desta resolución no DOG, para a emenda de erros que puidesen existir na puntuación relacionada nos anexos, ou formula-las alegacións que consideren oportunas, que deberán dirixir á Comisión Permanente de Selección de Persoal Funcionario (Dirección Xeral da Función Publica).

Santiago de Compostela, 6 de abril de 2001.

Joaquín López-Rúa Soler

Director xeral da Función Pública

ANEXO I

ANEXO II