De conformidade coa proposta elevada pola comisión designada para xulga-lo concurso convocado por resolución desta universidade do 1 de agosto de 2000 (BOE do 22 de agosto), para a provisión da praza núm. 00/046 de profesor titular de escola universitaria da área de coñecemento de expresión gráfica arquitectónica, do departamento de Representación e Teoría Arquitectónica desta universidade, a favor de Luis Hermida González, e unha vez acreditados polo interesado os requisitos a que alude o punto 2º do artigo 5 do Real decreto 1888/1984, do 26 de setembro,

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma univesitaria, e demais disposicións que a desenvolven, resolveu nomear a Luis Hermida González, profesor titular de escola universitaria da área de coñecemento de expresión gráfica arquitectónica, do departamento de Representación e Teoría Arquitectónica desta universidade.

A Coruña, 20 de marzo de 2001.

José Luis Meilán Gil

Rector da Universidade da Coruña