Examinado o expediente instruído por instancia de Díaz Vázquez, María Jesús, na súa calidade de representante legal, en solicitude da autorización de apertura dun novo establecemento, na rúa Cas
telao, 7-baixo, da axencia de viaxes Viajes Rascado, S.L., que ten a súa casa central en Pontevedra,
Resultando que a interesada, xunto coa solicitude, achegou toda a documentación a que fai referencia o artigo 10 do Regulamento das axencias de viaxes de Galicia, aprobado mediante o Decreto 155/1989, do 22 de xuño.
Considerando que na empresa solicitante e no novo establecemento da axencia de viaxes concorren tódalas condicións esixidas polo mencionado regulamento para a obtención da súa autorización,
Considerando que na tramitación do expediente se observaron tódolos requisitos e formalidades establecidos legal e regulamentariamente.
Vistos a Lei 1/1983, do 22 de febreiro, reguladora da Xunta de Galicia e do seu presidente, o Decreto 155/1989, do 22 de xuño, polo que se aproba o Regulamento das axencias de viaxes de Galicia, e a Orde do 12 de xaneiro de 1998, da Consellería de Cultura, Comunicación Social e Turismo, pola que se delega no director xeral de Turismo a competencia para autoriza-los novos establecementos e dependencias auxiliares das axencias de viaxes xa autorizadas, esta dirección xeral
RESOLVE:
Autorizarlle á axencia de viaxes Viajes Rascado, S.L., sita en Pontevedra, da que é titular Viajes Rascado, S.L., a apertura dun novo establecemento na rúa Castelao, 7-baixo, Pontevedra, que será inscrito no Rexistro de Empresas e Actividades Turísticas da Comunidade Autónoma galega.
Contra esta resolución, que pon fin á vía administrativa, poderase interpoñer recurso contencioso-administrativo ante o Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia, de conformidade co artigo 46 da Lei 29/1998, do 13 de xullo, reguladora da xurisdicción contencioso-administrativa.
Previamente, poderá interpoñer recurso potestativo de reposición no prazo dun mes, contado desde o día seguinte ó da publicación desta resolución no DOG.
Todo iso sen prexuízo da posibilidade de interpoñer recurso extraordinario de revisión nos supostos e prazos previstos no artigo 118 da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 15 de marzo de 2001.
P.D. (Orde 12-1-1998)
Aurelio Miras Portugal
Director xeral de Turismo