Visto o texto da revisión salarial para o ano 2001 e de aclaración do artigo 9 sobre xornada de traballo do convenio colectivo da empresa Unión de Distribuidores de Electricidad, S.A. (UDESA) (código convenio nº 1502762) que tivo entrada nesta delegación provincial o día 23-2-2001, subscrito pola comisión paritaria do convenio colectivo integrada en representación da parte económica pola empresa e da parte social polo delegado de persoal o día 24-1-2001, de conformidad co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistgro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidad Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro rexistro de convenios colectivos de traballo, que consta
nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 2 de marzo de 2001.
María Silva Costoya
Delegada provincial da Coruña
En Santiago de Compostela, sendo as 10 horas do día 24 de xaneiro de 2001, reúnense, en representación da empresa Unión de Distribuidores de Electricidad, S.A., José Manuel Arufe Rieiro, e en representación dos traballadores/as, Jesús Becerra Queijo, como delegado de personal, y Alfredo Santomil García, como asesor sindical da CIG, como membros da comisión paritaria regulada no artigo 5º do convenio colectivo en vigor, co obxecto de proceder á revisión das táboas salariais para o ano 2001, e aclara-lo contido do artigo 9º do convenio relativo á xornada de traballo.
Procédese a revisa-las táboas salariais para o ano 2001 de acordo co establecido no artigo 13º. Os salarios son os que figuran no anexo I desta acta, resultando de aplicar unha suba lineal para tódalas categorías de 7.119 pesetas mensuais.
Así mesmo, revísanse os importes das gardas establecidas no artigo 21º, do seguinte xeito:
Zona de Cerceda: 12.600 pesetas.
Zona de Mesía e Arca: 15.570 pesetas.
Téndose detectado un erro de transcrición do texto do artigo 9º, acórdase que a súa redacción é a seguinte:
Artigo 9º.-Xornada de traballo.
A xornada de traballo será de 40 horas semanais, de luns a venres, para o persoal de campo.
O persoal administrativo gozará da xornada de verán establecida desde o 15 de xuño ó 15 de setembro, cun horario de 8 horas a 14 horas, de luns a venres. O horario de inverno será de 9 horas a 15 horas, de luns a venres, e de 16 horas a 19 horas, os martes e xoves.
Sen máis asuntos que tratar dáse por rematada a xunta sendo as 11 hoas do día do encabezamento.
ANEXO I
Táboas salariais ano 2001
Categorías mensual anual
Salario base
Salario base
Xefe de persoal 197.375 3.454.063
Supervisor técnico 197.375 3.454.063
Xefe administración 197.375 3.454.063
Oficial 1ª administrativo 155.411 2.719.693
Oficial 2ª administrativo 144.897 2.535.698
Oficial 3ª administrativo 134.383 2.351.703
Auxiliar administrativo 110.983 1.942.203
Oficial de 1ª 155.411 2.719.693
Oficial de 2ª 144.897 2.535.698
Oficial de 3ª 134.383 2.351.703
Peón especialista 110.983 1.942.203