Visto o texto de incremento salarial para o ano 2001 do convenio colectivo do sector do comercio de maioristas de froitas varias, hortalizas e plátanos da provincia da Coruña (código convenio 1501005) que tivo entrada nesta delegación provincial o día 5-3-2001, subscrito pola comisión paritaria do convenio colectivo integrada en representación da parte económica pola Asociación de Asentadores y Mayoristas de Frutas de la Provincia de A Coruña, e da parte social por CC.OO. o día 13-2-2001, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto

dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro rexistro de convenios colectivos de traballo desta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 8 de marzo de 2001.

María Silva Costoya

Delegada provincial da Coruña

Acta da comisión paritaria do convenio colectivo de comercio maioristas de froitas, hortalizas e plátanos da provincia da Coruña

-Parte social:

Juan Esparza.

Olga Montes.

José Ramón Grela (asesor CC.OO.).

-Parte empresarial:

Víctor Dopico.

Rafael Verdía (asesor).

Na Coruña o 13 de febreiro de 2001, sendo as 19 horas, reúnense as partes relacionadas, integrantes da comisión paritaria do convenio colectivo de maioristas de froitas, hortalizas e plátanos da provincia da Coruña.

O obxecto da reunión é proceder á aplicación do incremento salarial acordado no artigo 22 do vixente convenio colectivo. Para tal efecto acordan:

Primeiro.-Incrementa-las táboas salariais do ano 2000 no 2,5%, as cales pasan a forma-lo anexo I do vixente convenio colectivo.

Segundo.-O complemento de transporte e as axudas de custo pasan a te-la seguinte contía:

Complemento transporte: 6.816 pesetas.

Axudas de custo:

Comida: 1.330 pesetas.

Cea: 1.855 pesetas.

Durmir: 3.185 pesetas.

Terceiro.-Autorizar a José Ramón Grela para que dilixencie tódolos trámites relativos ó rexistro, depósito e publicación.

Sen máis asuntos que tratar levántase a reunión, sendo as 20 horas do día indicado máis arriba.

Táboas salariais ano 2001

Sector maiorista de froitas varias, hortalizas

e plátanos