Para os efectos do determinado nos artigos 133 da Lei do solo de Galicia e 162 do Regulamento de xestión urbanística e en relación coa aprobación definitiva dos estatutos e as bases de actuación da UE-1 do PXOU de Celanova, faise constar que a Comisión de Goberno, na sesión que tivo lugar o día catro de abril de dous mil un, adoptou, por unanimidade, o acordo que a seguir se transcribe:
«Aprobados inicialmente os proxectos de estatutos e as bases de actuación da xunta de compensación da unidade de execución UE-1 e sometidos a información pública, con notificación individual ós propietarios afectados e presentadas alegacións por parte dos copropietarios Senén Novoa Fernández e Amalia Pérez Vilanova, representados polo letrado Ama
dino Pereira Fernández, e informados polo secretario do concello, acórdase o seguinte:
Primeiro.-Desestimar integramente as alegacións formuladas por Amadino Pereira Fernández, en nome e representación de Senén Novoa Fernández e Amalia Pérez Vilanova, respecto á aprobación inicial dos estatutos e as bases de actuación da UE-1 do PXOU de Celanova, de acordo co informe da secretaría, que se trasladará ó interesado para efectos de motivación.
Segundo.-Aprobar definitivamente, por instancia da comisión xestora da UE-1, os estatutos e as bases de actuación para a xunta de compensación da UE-1 do PXOU de Celenova que se vai constituír para a xestión do devandito polígono.
Terceiro.-Notificarlles este acordo ós propietarios afectados e requirir, de acordo co establecido no artigo 134 da Lei 1/1997, do 24 de marzo, do solo de Galicia, ós propietarios afectados e que non solicitaron aínda a incorporación á xunta, para que así o efectúen, se o desexan, no prazo dun mes contado a partir da notificación deste, con expresa advertencia de que en caso contratario poderán depararlle as consecuencias previstas no punto 1, parágrafo 2º, do referido artigo, para a expropiación e ocupación dos terreos da súa propiedade a favor da xunta de compensación.
Cuarto.-Designar representante deste concello na xunta de compensación o alcalde ou concelleiro en quen delegue».
Celanova, 5 de abril de 2001.
O alcalde
Rubricado