De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, e da Lei 4/1999, que modifica parcialmente a citada Lei 30/1992, notifícaselles ás empresas que se relacionan no anexo, na súa condición de promotora e interesada, a proposta de resolución que formula o instructor, polos feitos sinalados, presumiblemente constitutivos dunha infracción á Lei 22/1988, do 28 de xullo, de costas (no sucesivo LC) e do seu regulamento (en diante RC);

O que se lles comunica ós interesados de conformidade cos artigos 19.1º do R.D. 1398/1993 e 194.10 do Regulamento de costas, para que no prazo de quince (15) días, a partir da publicación deste anuncio no Diario Oficial de Galicia, poidan obte-las copias dos documentos que constan no expediente que coiden oportunos, e formula-las alegacións e presenta-los documentos que crean pertinentes, perante o instructor do procedemento.

Pontevedra, 15 de marzo de 2001.

José Luis Díez Yáñez

Delegado provincial de Pontevedra

ANEXO

Expediente número: 71.14/2000.

Denunciado/a: Promiasa, S.A.

Condición: promotora.

Último enderezo coñecido: r/ Michelena, nº 1-6º-Pontevedra.

Interesado/a: Coporteliña, S.L.

Condición: favorecida por anotación preventiva de embargo.

Último enderezo coñecido: r/ San Guillermo, nº 23-baixo-Pontevedra.

Data da proposta: 2-3-2001.

Feitos: construcción de vivendas en ringleira.

Lugar: Chancelas.

Concello: Poio.

Proposta: ordenar a Promiasa, S.A., devolve-los terreos nos que se executaron as obras obxecto deste expediente ó seu primitivo estado; debe ser realizado no prazo dun mes, desde que sexa definitiva en vía administrativa a resolución que sobre o particular recaia. Transcorrido o prazo sen que se cumprise o ordenado, procederase á execución subsidiaria pola Administración por conta do obrigado.