1. Obxecto.

Contratación dun arrendamento de servicios para a prestación de tarefas e actividades de apoio e auxilio á docencia nos cursos, xornadas, seminarios e demais actividades organizadas pola EGAP.

2. Tramitación, procedemento e forma de adxudicación.

Tramitación: ordinaria.

Procedemento: aberto.

Forma: concurso público.

3. Orzamento de licitación.

O prezo do contrato virá determinado pola suma das prestacións recibidas polo arrendador en función dos prezos/hora máximos seguintes:

Nivel 1: 2.835 pesetas.

Nivel 2: 2.362 pesetas.

Nivel 3: 1.916 pesetas.

Nivel 4: 1.600 pesetas.

Nivel 5: 1.428 pesetas.

4. Prazo de execución.

1 ano.

5.Obtención da documentación.

O prego de cláusulas administrativas poderase consultar no Servicio Económico-Administrativo da Escola Galega de Administración Pública, sita no polígono das Fontiñas, rúa Madrid, 2-4 de Santiago de Compostela, os días e horas hábiles de oficina, durante o prazo de presentación de proposicións.

6. Fianza provisional.

Non se esixe.

7. Presentación de proposicións.

A documentación esixida no prego de cláusulas administrativas presentarase en sobre pechado e lacrado no rexistro da Escola Galega de Administración Pública, sita no polígono das Fontiñas, rúa Madrid, 2-4 de Santiago de Compostela, ou en calquera das formas establecidas no artigo 38.4º da Lei 30/1992, de réxime xurídico das administracións públicas e do procedemento administrativo común.

O prazo de admisión será de quince (15) días naturais, contados desde o día seguinte ó da publicación deste anuncio no Diario Oficial de Galicia.

8. Apertura de proposicións.

En acto público que terá lugar na sala de xuntas da Escola Galega de Administración Pública, ás 12 horas do terceiro día hábil contado a partir do día seguinte a aquel en que finalice o prazo de presentación de proposicións.

9. Gastos de anuncios.

Serán por conta do adxudicatario.

Santiago de Compostela, 1 de marzo de 2001.

Domingo Bello Janeiro

Director da Escola Galega de Administración Pública