O Pleno do Concello, en sesión ordinaria celebrada o 6 de marzo de 2001, adoptou entre outros, os dous acordos seguintes:
A) Modificación puntual das normas subsidiarias de planeamento municipal. Modificación e permuta de solo no lugar dos Airios.
Primeiro.-Aprobar definitivamente a modificación das normas subsidiarias municipais das Pontes de García Rodríguez: modificación e permuta de solo no lugar da Mourela, consistente en transforma-lo sector A de 780,20 m en solo rústico común (para permiti-la posibilidade de ampliación da subestación eléctrica da Mourela), e transforma-lo sector B de 912,40 m actualmente clasificado como solo non urbanizable (rústico común) destinado a formar parte do plan parcial de ordenación do sector dos
Airios, como zona destinada a uso de parque deportivo, dentro dos servicios de interese público e social do propio plan parcial.
Segundo.-Publicar este acordo no Diario Oficial de Galicia e no BOP, de conformidade co disposto no artigo 70.2º da Lei reguladora das bases de réxime local, coa advertencia de non haber cambio na normativa ou ordenanzas reguladoras.
Terceiro.-Remitir á Consellería de Política Territorial, Obras Públicas e Vivenda copia do expediente administrativo e dous exemplares dilixenciados do documento aprobado en cumprimento do disposto no artigo 48 da Lei 1/1997.
B) Modificación puntual do plan parcial de ordenación do sector dos Airios.
Primeiro.-Aprobar definitivamente a modificación puntual do plan parcial de ordenación do sector dos Airios, consistente na permuta do sector A cunha superficie de 780,20 m que na actualidade pertence ó plan parcial como solo incluído nos servicios de interese público e social como parque deportivo, a transformar en solo non urbanizable (rústico común), e a permutar polo sector B cunha superficie de 912,40 m para compensa-la perda da destinada a parque deportivo, que procedente de solo non urbanizable (rústico común) transfórmase en parque deportivo do plan parcial. Ámbalas parcelas do lugar da Mourela.
Segundo.-Publicar este acordo no Diario Oficial de Galicia e no BOP, de conformidade co disposto no artigo 70.2º da Lei reguladora das bases de réxime local, coa advertencia de non haber cambio na normativa ou ordenanzas reguladoras.
Terceiro.-Remitir á Consellería de Política Territorial, Obras Públicas e Vivenda copia do expediente administrativo e dous exemplares dilixenciados do documento aprobado en cumprimento do disposto no artigo 48 da Lei 1/1997.
Contra os expresados acordos cabe interpoñer recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses, contados a partir do día seguinte ó da súa última publicación (no BOP ou no Diario Oficial de Galicia), se ben, previamente, e con carácter potestativo, cabe interpoñer recurso de reposición ante o Pleno do Concello no prazo dun mes. Neste caso, contra a desestimación do recurso de reposición, o prazo para interpoñe-lo recurso contencioso-administrativo será de dous meses, contados desde o día seguinte ó da notificación, ou de seis meses, contados desde a desestimación presunta, que se entenderá producida polo transcurso dun mes desde a interposición da reposición.
As Pontes de García Rodríguez, 9 de marzo de 2001.
Víctor Guerreiro Pena
Alcalde