De conformidade co establecido no artigo 59.4º da Lei de réxime xurídico das administracións públicas e do procedemento administrativo común, polo presente edicto ponse en coñecemento de Panadería Santa Margarita, S.L., titular do expediente I1/97.0182.2200.N.97015708 relativo á subvención do tipo de xuro dun préstamo concedido pola entidade financeira prestamista, que con data do 26 de setembro de 2000, a Dirección Xeral do Igape acordou iniciar expediente de incumprimento, ó estimar que a entidade non acreditou o cumprimento dos compromisos adquiridos ó acepta-la resolución de concesión con data do 4 de xullo de 1997; concretamente o incumprimento baséase na non xustificación da realización e pagamento dos investimentos comprometidos, podendo implica-lo incumprimento a revogación da axuda concedida.

Os actos obxecto do presente anuncio non se publican na súa integridade en virtude da cautela prevista no artigo 61 da Lei 30/1992, do 26 de novembro, de réxime xurídico das administracións públicas e do procedemento administrativo común. O expediente ponse de manifesto á entidade neste centro directivo, sito en Santiago de Compostela, complexo administrativo San Lázaro, s/n, logo de petición de hora, ó teléfono 981 54 11 55 de luns a venres de 8.30 a 14 horas e concédeselle un prazo de quince días desde a súa publicación no Diario Oficial de Galicia para que alegue ou presente os documentos e xustificantes que estime pertinentes ó seu dereito.

Santiago de Compostela, 13 de marzo de 2001.

Margarita Rodríguez Rama

Directora xeral do Instituto Galego de Promoción

Económica