A Lei 27/1992, do 24 de novembro, de portos do Estado e a mariña mercante, texto reformado pola Lei 62/1997, do 26 de decembro, atribúelles ás comunidades autónomas as facultades de designación e separación dos vocais dos consellos de administración das autoridades portuarias de interese xeral do Estado sitas no seu territorio.
Os acordos do Consello da Xunta de Galicia do 5 e 26 de marzo de 1998 facultan o conselleiro de Política Territorial, Obras Públicas e Vivenda para o exercicio das devanditas competencias.
Conforme o previsto no artigo 40 da Lei de portos do Estado e a mariña mercante, texto reformado pola Lei 62/1997, do 26 de decembro, a designación dos vocais do Consello de Administración deberá facerse necesariamente por proposta das administracións públicas e entidades e organismos representados no Consello de Administración, polo que, vista a proposta de nomeamento realizada pola Asociación de Empresas Consignatarias e Estibadoras de Buques da provincia de Pontevedra do representante no Consello de Administración da Autoridade Portuaria de Vigo, e en canto órgano competente,
DISPOÑO:
O nomeamento de Bonifacio Logares Guenaga como vocal do Consello de Administración da Auto
ridade Portuaria de Vigo, en representación da Asociación de Empresas Consignatarias e Estibadoras de Buques da provincia de Pontevedra.
Santiago de Compostela, 29 de marzo de 2001.
José Cuíña Crespo
Conselleiro de Política Territorial, Obras Públicas
e Vivenda