Recibida no Instituto Galego de Promoción Económica (Igape) solicitude da entidade financeira Caixa Nova na que solicita a execución do aval parcial subsidiario concedido por este instituto da Granja Martiz, S.L. en concepto de contragarantía de taxa suplementaria no sector do leite e productos lácteos, período 1993/1994, e ó resultar infructuoso o requirimento notarial de pagamento a Granja Martiz, S.L. practicado no domicilio social coñecido da empresa, sito na rúa Cidade de Viveiro nº 2, de Lugo, por abandono del, por medio deste anuncio notifícaselle á avalada Granja Martiz, S.L. a procedencia de lle reintegrar a Caixa Nova o importe por esta aboado o Fondo Español de Garantía Agraria (Fega) por execución do aval prestado en garantía do pagamento da liquidación correspondente a taxa suplementaria no sector do leite e os productos lácteos 1993/1994, e que ascende a 5.412.100 pesetas (cinco millóns catrocentas doce mil cen pesetas), dos cales:
-3.764.641 pesetas (tres millóns setecentas sesenta e catro mil seiscentas corenta e unha pesetas) corresponden ó principal da taxa liquidada.
-1.647.459 pesetas (un millón seiscentas corenta e sete mil catrocentas cincuenta e nove pesetas) corresponden a xuros.
A publicación deste anuncio iniciará o cómputo do prazo de noventa días naturais, establecido no aval do Igape como condición para a súa executabilidade.
Santiago de Compostela, 1 de marzo de 2001.
Margarita Rodríguez Rama
Directora xeral do Instituto Galego
de Promoción Económica