En cumprimento do disposto no acordo con data do 12 de marzo de 2001, desta dirección xeral, polo que se establece o procedemento de tramitación de urxencia, de acordo co disposto no artigo 50 da Lei 30/1992, do 26 de novembro, de réxime xurídico das administracións públicas e do procedemento administrativo común, o órgano ambiental someterá o estudio de efectos ambientais ó trámite de información pública, mediante anuncio no Diario Oficial de Galicia, durante o prazo de dez (10) días.

Na súa virtude,

RESOLVO:

1. Someter á información pública o estudio de efectos ambientais do proxecto de planta de reducción de residuos da industria conserveira e promovido por Aleco, S.A.

2. Para os devanditos efectos informativos poranse á disposición dos administrados exemplares nas seguintes dependencias:

-Dirección Xeral de Calidade e Avaliación Ambiental.

-Delegación Provincial da Consellería de Medio Ambiente da Coruña.

-Concello de Boiro.

3. As alegacións formularanse durante o prazo de dez (10) días, contados a partir do día seguinte ó da publicación desta resolución no Diario Oficial de Galicia.

Santiago de Compostela, 19 de marzo de 2001.

Francisco Pan-Montojo González

Director xeral de Calidade e Avaliación Ambiental