Dando cumprimento ó disposto na Lei 13/1991, do 9 de decembro, cómpre regula-los prezos de inscrición para a asistencia ó curso A cidade histórica como proxecto, e os talleres Memoria, materia e proxecto, que levará a cabo a Consellería de Cultura, Comunicación Social e Turismo.
A Lei 13/1993, que regula as taxas, prezos e exencións, dispón no seu artigo 6 que a contía destes será acordada por orde da consellería correspondente, logo do informe favorable da Consellería de Economía e Facenda. Por todo isto,
DISPOÑO:
Artigo único.
1. As tarifas esixibles polo prezo privado 36.29.00. Cursos, xornadas e seminarios, como contraprestación polos servicios de impartición do curso, xestionado pola Dirección Xeral de Patrimonio Cultural, son as que se fixan no anexo a esta orde, e xestionaranse de acordo co disposto na normativa vixente en materia de prezos privados.
2. Estes prezos entenderanse, se é o caso, co IVE incluído.
Disposición derradeira
Facúltase o director xeral de Patrimonio Cultural para dictar, no ámbito das súas competencias, as resolucións precisas para o desenvolvemento desta orde.
Santiago de Compostela, 20 de febreiro de 2001.
Jesús Pérez Varela
Conselleiro de Cultura, Comunicación Social
e Turismo
ANEXO
A inscrición no curso A cidade histórica como proxecto, e os talleres Memoria, materia e proxecto, terá catro tarifas:
1. Contía para pagar polas persoas que acrediten ter realizado ou estar realizando estudios no curso académico 2000-2001 en calquera das universidades españolas.-Contía por persoa nunha soa actividade: 5.000 pesetas.-Contía por persoa nas dúas actividades: 7.500 pesetas.
2. Contía para pagar por persoas que non se atopen nas circunstancias anteriores:-Contía por persoa nunha soa actividade: 10.000 pesetas.-Contía por persoa nas dúas actividades: 15.000 pesetas.
