Visto o texto da revisión salarial e calendario laboral para o ano 2001 do convenio colectivo da empresa Stolt Sea Farm, S.A. (código convenio nº 1502982) que tivo entrada nesta delegación provincial o día 24-1-2001, subscrito en representación da parte económica pola empresa e da parte social, polo comité de empresa o día 18-1-2001, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro rexistro de convenios colectivos de traballo, desta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 30 de xaneiro de 2001.

María Silva Costoya

Delegada provincial da Coruña

Acta

En Lira, Carnota, ás 8.30 horas do día 18 de xaneiro de 2001, co obxecto de realiza-la revisión salarial das táboas salariais para o ano 2001 de acordo co convenio colectivo de Stolt Sea Farm, S.A. reúnense as seguintes persoas:

Pola parte social: Juan M. Saborido Rama. Leopoldo Fernández Lariño. Víctor Pena Caamaño.

Pola parte empresarial: Pablo García Rodríguez.

Ámbalas dúas partes recoñécense mutuamente capacidade legal para revisa-las táboas salariais do convenio colectivo de Stolt Sea Farm, S.A.

Confecciónanse as novas táboas salariais para o ano 2001, aplicando o criterio establecido no artigo 30 do convenio, as cales se achegan como anexo I a esta acta; así como o calendario laboral para o 2001 como anexo II.

Así mesmo acórdase autorizar a Juan M. Saborido Rama, para a presentación e rexistro das táboas salariais.

Sen máis asuntos que tratar levántase a reunión no lugar e data arriba sinalados, asinando a presente acta en proba de conformidade con ela.

Rubricado

ANEXO I

Táboa salarial 2001

Gardas de sábados, domingos e festivos5.874

Garda permanente17.455

ANEXO II

Calendario laboral 2001