A Comisión de Goberno, na súa sesión que tivo lugar o 27 de novembro de 2000, acordou autoriza-la ocupación da parcela 117 do polígono 1 do solo urbanizable programado número 3 (SUP-3) da Pontepedriña a favor da xunta de compensación do citado polígono, de conformidade co previsto no artigo 134.1º da Lei do solo de Galicia, con adxudicación ó seu propietario -Maximino García Vidal- dunha participación indivisa do 1,26% equivalente a 19,39 m edificables, na parcela resultante R.1.1 do proxecto de compensación aprobado na mesma data.

A ocupación efectuarase o próximo día 4 de abril de 2001, ás 12 horas, en acta que se levantará coa presencia dun representante municipal e do presidente e do secretario da xunta de compensación.

De conformidade co previsto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (LRXAP e PAC), este anuncio servirá de citación, en forma legal, á persoa que figura no catastro como propietario da parcela 7263605-NH3476C e que non pode ser citado persoalmente por descoñecerse o seu paradoiro.

Santiago de Compostela, 13 de marzo de 2001.

Luís Toxo Ramallo

Concelleiro delegado de Urbanismo