Examinado o expediente instruído por instancia do titular do centro privado Santiago Apóstol de Narón (A Coruña), no que solicita autorización definitiva para impartir educación secundaria obrigatoria.
Tendo en conta que o expediente foi tramitado pola Delegación Provincial da Consellería de Educación e Ordenación Universitaria da Coruña, que se remite cos informes correspondentes.
Vistos a Lei 1/1990, do 3 de outubro (BOE do 4), de ordenación xeral do sistema educativo, Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que o desenvolve.
Esta consellería, por proposta da Dirección Xeral de Centros e Inspección Educativa,
DISPÓN:
Primeiro.-Autoriza-lo centro privado Santiago Apóstol de Narón (A Coruña), para impartir educación secundaria obrigatoria, segundo se especifica no anexo desta orde.
Segundo.-Para as ensinanzas que se autorizan, a Delegación Provincial da Consellería de Educación e Ordenación Universitaria, logo de informe da Inspección Educativa, aprobará expresamente a relación de persoal que imparta docencia no dito centro.
Terceiro.-Queda o centro obrigado ó cumprimento da lexislación vixente e a solicita-la oportuna revisión cando teña que modificarse calquera dos datos que sinala esta orde.
Cuarto.-Contra esta orde, que esgota a vía administrativa, os interesados poderán interpoñer recurso
potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.
Santiago de Compostela, 23 de febreiro de 2001.
Celso Currás Fernández
Conselleiro de Educación e Ordenación
Universitaria
ANEXO
Provincia: A Coruña.
Concello: Narón.
Localidade: Gándara de Arriba.
Enderezo: r/ Ferrol, s/n.
Código do centro: 15010204.
Denominación: Santiago Apóstol.
Titular: Sociedad Docente Santiago Apóstol.
Composición resultante:
a) Centro de educación infantil: 4 unidades.
b) Centro de educación primaria: 12 unidades.
c) Centro de educación secundaria:-8 unidades de educación secundaria obrigatoria.
d) Centro de formación profesional específica:-1 ciclo formativo de grao medio de xestión administrativa (1 unidade para 20 postos escolares).