Polo Decreto 297/2000, do 21 de decembro (DOG nº 4, do 5 de xaneiro de 2001) modificouse a estructura orgánica da Consellería de Educación e Ordenación Universitaria, coa finalidade de que a reasignación de funcións e competencias que realiza posibiliten a implantación do Sistema de Información para a Educación Galega (Siega).
Todo isto, así como a necesidade de adecua-lo cadro de persoal dos centros de ensino xa existentes e dos de nova creación ás súas necesidades de funcionamento, fan necesario modifica-la vixente relación de
postos de traballo da Consellería de Educación e Ordenación Universitaria.
En consecuencia, por proposta da dita consellería, oídas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia na súa reunión do oito de marzo de dous mil un, adoptou o seguinte,
ACORDO:
Primeiro.-Modifica-la vixente relación de postos de traballo da Consellería de Educación e Ordenación Universitaria, nos termos que se sinalan nos anexos ó presente acordo.
Segundo.-Ordena-la publicación das ditas modificacións no Diario Oficial de Galicia para efectos da súa entrada en vigor a partir do día seguinte a ela.
Terceiro.-Clasificar como postos de libre designación de acordo coas motivacións que se especifican os seguintes:
Código Denominación Motivación
ED C02.00.001.15770.041 Inspector/a Servicios Educativos Complementarios
ED C02.00.001.15770.053
ED C02.00.001.15770.080
ED C02.00.001.15770.090
ED C02.00.001.15770.094 Xefe Subárea de Atención a Usuarios
Xefe Subárea de Desenvolvemento
Xefe Subárea de Sistemas
Xefe Subárea de Comunicacións
ED.C02.00.001.15770.011 Xefe Sección Xestión Económica e Habilitación. Posto de especial responsabilidade polo manexo de fondos públicos.
ED.C02.00.001.15770.040
Inspector/a Servicios Educativos Complementarios
Postos de confianza e especial responsabilidade na función inspectora por tratar temas moi sensibles.
ED C02.00.001.15770.052
Xefe Subárea de Informática Educativa
Postos de confianza e especial responsabilidade polos datos que teñen baixo a súa custodia
Visto o acordo adoptado polo Consello da Xunta de Galicia na súa reunión do oito de marzo de dous mil un, relativo á aprobación da modificación da relación de postos de traballo da Consellería de Educación e Ordenación Universitaria, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 9 de marzo de 2001.
Jaime Pita Varela
Conselleiro da Presidencia e Administración Pública